Төҥүлү оскуолатыгар сэтинньи 6-7 күннэригэр Михайлова Екатерина Васильевна салайааччылаах «Абылаҥ» коллекционердар түмсүүлэрэ ыалдьыттаата. Кинилэр оҕолорго бэйэлэрин интэриэһинэй дьарыктарын билиһиннэрдилэр. Манна бааллар — урукку оҕо оонньуурдара, «Маҥнайгы кылааска киирээччигэ бэлэх», 20-с үйэ саҥатыгар оҥоһуллубут билииккэ чэйдэр, В.И.Ленин ойуулаах значоктар, Өктөөр өрөбөлүүссүйэтигэр аналлаах аккырыыккалар, араас дойду «ангеллара», чаһы, перо, уруучука, кыра кээмэйдээх кинигэ арааһа. Оҕолор олус сэргээн иһиттилэр, боппуруос да биэрдилэр. Коллекциялары тутан-хабан көрдүлэр, санааларын эттилэр, сэргээтилэр.
Айталыына Борисова
