Василий Антонович Колосов аатын үйэтитиигэ анаммыт туризмҥа күрэхтэһии

Олунньу 24‒25 куннэригэр Хорообут орто оскуолатыгар СӨ үөрэҕириитин туйгуна, бэтэрээн-педагог, энтузиаст Василий Антонович Колосов аатын үйэтитиигэ анаммыт «Туризм в зале» күрэхтэһии 26-с төгүлүн ыытылынна.

69 эдэр турист кытынна. Күрэхтэһии аһыллыытыгар «Кэрэли» эбии үөрэхтээһин кииниттэн Александра Охлопкова, Любовь Филиппова, үөрэх управлениетыттан Николай Романов эҕэрдэлэринэн тиэртилэр. Туризм куруһуогун салайааччылара, оскуолабыт эдэр үлэһитэ Сандаара Сергучева, настаабынньыга Афанасий Игнатьевтыын иилээн-саҕалаан үрдүк таһымнаахтык ыыттылар. Икки сааланан алта көрүҥҥэ күрэхтэстилэр. Тэрээһиҥҥэ Василий Антонович кыргыттара күүс-көмө буоллулар.

Икки күн күрэхтэспит туристар көрдөрүүлэрэ маннык буолла. МД10 көрүҥҥэ бастакы миэстэ Виолетта Оконешникова, Миша Егоров (Павловскай), иккис Эрсан Винокуров (Амма), Саргылаана Попова, үһүс Сардаана Оконешникова, Айсен Анисимов (Павловскай) буоллулар. МД12 ‒ бастакы Сайнаара Саввина, Сандал Саввин (Амма), иккис Арчын Сергучев (Хорообут), Луиза Захарова (Амма), үһүс Сардаана Евсеева (Хорообут), Егор Петров (Ф.Г.Охлопков аатынан Майа), МД14 ‒ бастакы Сандаара Бурнашева (Табаҕа), Юра Жирков (Хорообут), иккис Алина Аргунова (Табаҕа), Миша Катаев (Павловскай), үһүс Розалина Брызгалова (Павловскай), Андриан Прокопьев (Амма), МД16 ‒ бастакы Виолетта Еремеева (Амма), Павел Алексеев (Табаҕа), иккис Сардаана Давыдова (Амма), Толя Егоров (Павловскай), үһүс Виолетта Иванова (Хорообут), Родион Федоров (Амма) буоллулар.

Үөрэнээччилэр икки күн элбэх доҕоттордонон, кыайан-хотон, үөрэн-көтөн тарҕастылар.
Улуустааҕы күрэхтэһии тэрээһинигэр күүс-көмө буолбут физкултуура учууталларыгар, минньигэс астаах повардарбытыгар, үҥкүү куруһуогун салайааччытыгар махталбытын тиэрдэбит. Үрдүкү  категориялаах туризм куруһуогун салайааччытыгар, настаабынньык Афанасий Егорович Игнатьевка, үөрэнээччибитигэр, эдэр салайааччыбытыгар Сандаара Петровна Сергучеваҕа эҕэрдэбитин аныыбыт.

Октябрина Васильева.