Дьокуускай куоракка ахсынньы ый 29 күнүгэр өрөспүүбүлүкэтээҕи «Муусукаалынай дьиэ кэргэн» куонкурус V төгүлүн ыытылынна.
Куонкурус кыттыылаахтара түөрт хайысхаҕа арахсан дьоҕурдарын көрдөрдүлэр: «Инструментальнай ансаамбыллар», «Вокальнай-инструментальнай ансаамбыллар», «Вокальнай ансаамбыллар» уонна «Хореография».
Бастыҥ муусукаалынай дьиэ кэргэн аатын ылар иһин куонкуруска уопсайа 15 дьиэ кэргэн кыттыыны ылла. Марина Константиновна Попова аатынан Майатааҕы оҕо ускуустубатын оскуолатыттан Ванда Петровна уонна Лилия Нестеревалар «Инструментальнай ансаамбыл» хайысхаҕа скрипкаҕа икки ирдэнэр нүөмэри толорон кытыннылар.
Куонкурус түмүгүнэн кинилэр 1-кы миэстэни ылан анал дипломунан, куубагынан наҕараадаланнылар, харчынан бириис сэртипикээтин туттулар.
Ванда Петровна уонна Лилия Нестеревалары «Муусукаалынай дьиэ кэргэн» куонкуруска ситиһиилээхтик кыттыбыттарынан эҕэрдэлиибит уонна өссө үрдүк чыпчааллары баҕарабыт.
image