Алтынньы 12 күнүгэр В.П.Ларионов аатынан Майа орто оскуолатыгар үгэскэ кубулуйбут «Дириэктэртэн ыйыт» брифинг буолан ааста.
Оскуолабыт дириэктэрин эбээһинэһин толорооччу Павел Васильевич Васильев төрөппүттэри долгутар ыйытыктарга хоруйдаата. Кинини кытта дириэктэри иитэр уонна үөрэтэр үлэҕэ солбуйааччы Варвара Гаврильевна Абрамова, дириэктэри иитэр уонна үөрэтэр үлэҕэ солбуйааччы Марианна Петровна Тихонова, дириэктэри иитэр үлэҕэ солбуйааччы Маргарита Климентьевна Афанасьева, дириэктэри үөрэх өттүгэр солбуйааччы Варвара Прокопьевна Тастыгина туһааннаах боппуруостарга эппиэттээтилэр. 32 боппуруос суругунан уонна кыттыыны ылбыт төрөппүттэртэн киирдэ. Сүрүннээн маннык боппуруостарга тохтоотулар: ОГЭ, БКЭ консультациялара, эбии дьарыктар, таҥаһы-сабы уларытар миэстэ, остолобуойга итии аһылык, ыраах аадырыстарга маршрутнай автобус сылдьыыта, кылаас өрөмүөнүгэр үбүлээһин боппуруоһа, сайыҥҥы лааҕыр уо.д.а.
Мунньах түмүгүнэн уураахтар ылыллыннылар. Майа дьаһалтатыгар Ытарҕалаах үрэх муостатын, автобус, оскуола территориятын боппуруостарынан туруорсуу.
Төрөппүт (уопсастыбаннай) өттүттэн итии аһылык тэрийиини хонтуруоллааһын. «Мэҥэ-Хаҥалас» муниципальнай оройуон №144-П 23.12.2022 с. «О нормативе расходов на обеспечение питания обучающихся муниципальных общеобразовательных учреждений» уурааҕынан төрөппүттэр 5-11 кылааска диэри эбии аһылыкка мрокка киирбэт ыал оҕото ый аайы 500 солкуобай буоларыгар сыана быстылар. Балаһыанньа оҥоһуллан тахсар.
Быйылгы 2023-2024 үөрэх дьылыгар төрөппүт уонна аҕа сүбэтин састааба бигэргэтилиннэ: Федорова Мария Николаевна, 7 в кылаас; Сыроватская Айталина Викторовна, 3а, 11а; Винокурова Айталина Анатольевна, 9б; Устинова Акулина Робертовна, 4а, 5б, 10а; Аринкина Сахаяна Дмитриевна, 3а, 6б; Аҕа сүбэтин бэрэссэдээтэлэ ‒ Никаноров Руслан Иванович, 4б, 9г.
Светлана Ефимова
