Саха Өрөспүүбүлүкэтигэр 2017 сыл муус устар 2 күнүгэр олохтоммут Көхтөөх уопсастыбанньыктар күннэрэ сыллата бэлиэтэнэр.
Бу күн чэрчитинэн Мария Лукина салайааччылаах Майатааҕы “Түмэн” уопсастыбаннай холбоһук көҕүлээһининэн муус устар 2 күнүгэр Майаҕа “Дьол түһүлгэтэ” кииҥҥэ Көхтөөх уопсастыбанньыктар күннэрэ бастакытын ыытылынна.
Бэлиэ күнүнэн Майатааҕы Үһүс көлүөнэ оскуола волонтер учууталлара Федора Ивановна Наумова, Антонина Николаевна Петрова, Римма Степановна Варламова уонна Татьяна Петровна Попова социальнай көмүскэллээх буолуу управлениетын салайааччы Иван Шестаков Махтал суругун туттулар.
“Түмэн” уопсастыбаннай холбоһук анал байыаннай дьайыы кыттыылаахтарыгар алта хайысханан ыытар бары үлэлэригэр көхтөөхтүк көмөлөһөр дьон кэлэн сандалы тула олорон итии үүттээх чэй иһэ-иһэ сэһэргэстилэр, санаа атастастылар, талааннарын көрдөрдүлэр. Тэрээһини уопсастыбанньыктар Екатерина Баишева уонна Антонина Петрова иилээн-саҕалаан ыыттылар, оонньуулары оонньотон үөртүлэр-көтүттүлэр.
Уопсастыбанньыктар оҥорбут үтүө дьыалаларыттан биир дьоһун көмөнөн өр сылларга Майа баһылыгынан үлэлээбит Тимофей Семенович Нестеров биэрбит улахан муҥхатынан элбэх харысхал сиэккэ баайыллан ыытыллыбыта буолар. Бу күн кини кэлэн оонньууларга кыттан, сэргэхсийэн, бары да тэрийээччилэргэ махтанан тарҕастылар.
Марелла Баишева.
