Олунньу 27 күнүгэр Аллараа Бэстээххэ Илин эҥэр улуустарга доруобуйаларынан хааччахтаах дьон өрөспүүбүлүкэтээҕи уопсастыбатын бэрэссэдээтэлэ Ирина Лебедева көҕүлээһининэн социальнай десант маҥнайгы тэрээһинэ ыытылынна.
Тэрээһин инбэлииттэргэ идэлээх дьон социальнай, юридическай хайысхаларга, уйулҕа өттүнэн көмөнү оҥорууларыгар туһуланна. Манна инбэлиит быраабын, дьаһаллар тустарынан иһитиннэриини уонна инбэлиит дьон интэриэстэрин көмүскүүргэ туһуламмыт сокуоннарга уларытыылары киллэрии туһунан «Төгүрүк остуол» ыытылынна.
Социальнай десант кыттыылаахтарынан РФ социальнай пуондатын отделениета, медико-социальнай экспертиза кылаабынай бюрота, СӨ киһи быраабын араҥаччылыыр боломуочунай, Дьарыктаах буолуу судаарыстыбаннай кэмитиэтиттэн Аҕа дойдуну көмүскүүр пуонда эрэгийиэннээҕи салаата, инбэлииттэр уопсастыбаннай тэрилтэлэрин бэрэстэбиитэллэрэ, актыбыыстар, инбэлиит оҕолоох ыаллар буоллулар. СӨ киһи быраабын араҥаччылыыр старшай референэ Георгий Понамарев, МСЭ кылаабынай эксперименин салайааччыта Лена Лазарева, РФ социальнай пуондатын эрэгийиэннээҕи салаатын социальнай бырайыактарын начаалынньыга Наталья Протопопова, СӨ ОДьКХ государственнай хонтуруолугар уонна нэһилиэнньэ дьарыктаах буолуутун судаарыстыбаннай хонтуруолугар отделын салайааччыта Марианна Заровняева, Мэҥэ Хаҥалас улууһун социальнай координатора Елена Аммосова, улууска дьиэ кэргэннэри социальнай реабилитациялааһын уонна социальнай арыаллааһын отделын сэбиэдиссэйэ Лия Расторгуева кытыннылар. Тэрээһиҥҥэ Алдантан, Нерюнгриттан, Амматтан, Тааттаттан, Дьокуускайтан, Мэҥэ Хаҥаластан, Намтан, Хаҥаластан бэрэстэбиитэллэр сырыттылар.
«Эркээйи» хаһыат.
