Бүгүн дойду үрдүнэн Норуоттар сомоҕолоһууларын күнүн бэлиэтиибит. Бу бэлиэ күнүнэн улуус салалтатын аатыттан эҕэрдэлиибин.
Бу күн хас биирдиибитигэр биир сомоҕо буоларбытын, санаабыт күүһүн уонна бэйэ-бэйэҕэ истиҥ сыһыан, ытыктабыл, эрэл баар буоларын санатар кэрэһитэ буолар. Сомоҕолоһуу күнэ доҕордоһуу, хардарыта өйдөһүү, хас биирдии норуот илдьэ сылдьар үгэстэригэр ытыктабыллаах сыһыан эрэ буолбакка, атын норуоттары кытта биһиги баай култуурабытын, үйэлэри уҥуордаан илдьэ кэлбит төрүт үгэстэрбитин ситимниир кыах буолар.
Биһиги норуоппут хайа баҕарар түгэҥҥэ бука бары түмсэн, биир санаанан салайтаран айан-тутан, үлэлээн-хамсаан кэллибит. Инникитин даҕаны төрөөбүт дойдубут инники кэскилин туһугар үлэбит үтүө түмүктээх, ылсыбыппыт үрдүк ситиһиилээх буоллун! Бу бэлиэ күнүнэн баҕарабын чэгиэн-чэбдик туругу, иллээх-эйэлээх олоҕу, үгүс ситиһиилэри, этэҥҥэ буолууну! Хас биирдии күммүт сырдыгынан, үтүө сыһыанынан, дьолунан толору буоллун!
Сегодня отмечаем один из государственных праздников в России ‒ День народного единства. Этот праздник напоминает нам о важности сплоченности и взаимопомощи. Он символизирует нашу дружбу, взаимопонимание и уважение к традициям друг друга. В этот особенный день хочу пожелать вам крепкого здоровья, счастья и благополучия! Пусть каждый день будет наполнен радостью, теплом и любовью ваших близких!
Дмитрий Тихонов, улуус баһылыга