Улууспут дуобатчыттара, саахыматчыттара сайыны күрэхтэһэн сэргэхтик көрүстүлэр

Дуобакка Аан дойду кылаастаах арбитр, Аан дойду бэтэрээннэргэ 5 төгүллээх, Европа чөмпүйэнээттэрин элбэх төгүллээх призера, Мэҥэ Хаҥалас улууһун биэс нэһилиэгин бочуоттаах олохтооҕо, “Кэрэһиннээх” бааһынай хаһаайыстыба салайааччыта Дмитрий Сыромятников күөх сайыҥҥа үктэммит үөрүүлээх кэми бэлиэтээн, улуустааҕы дуобатчыттар уонна саахыматчыттар  дуобакка уонна саахымакка турнирдарын ыытта.

Улууспутугар ыччаты чөл олоххо, успуорка көҕүлүүр дуобат, саахымат күрэхтэһиилэрэ кэмиттэн кэмигэр үрдүк таһымнаахтык ыытыллаллар. Манна бэтэрээн дуобаччыттар Дмитрий Сыромятников,  Павел Цыпандин, Николай Климентов, Михаил Петров, Иван Семенов, Владимир Степанов курдук энтузиаст дьон баара үүнэр көлүөнэҕэ чөл олох үтүө холобурун көрдөрөллөр.

Өйү сайыннарар күрэхтэһиигэ ким үчүгэй бэлэмнээх – ол кыайдын!

 

Марелла Баишева.