Улуус баһылыгын отчуота – Араҥас нэһилиэгэр

Ахсынньы 20 күнүн иккис аҥаарыгар улуус баһылыга Дмитрий Тихонов 2024 сыллааҕы үлэтин отчуота Араҥас нэһилиэгэр тиийдэ.

Отчуотуур бөлөххө улуус управлениеларын, тэрилтэлэрин салайааччылара, солбуйааччылара, исписэлиистэрэ кыттыыны ыллылар.

Элбэх хайысхалаах култуура киинигэр 48 олохтоох отчуоту истэ кэллэ. Дмитрий Иванович быйыл улууска ыытыллыбыт үлэни хайысхаларынан сиһилии билиһиннэрдэ. Отчуоттуур мунньаҕы нэһилиэк баһылыга Андрей Кычкин арыйан, дьонун-сэргэтин көхтөөхтүк бэйэлэрин санааларын үллэстэригэр ыҥырда.

Олохтоохтор сүрүннээн биэлсэр-акушер пуунун тутуу, култуура уонна успуорт эстэпиэтэтигэр нэһилиэги атын бөлөххө көһөрөр наадатын, «Тарат» кэпэрэтиип саҥа хотонун бырайыага олохххо киирэригэр улуус дьаһалтатын кытта үлэлииргэ бэлэмнэрин туһунан этилиннэ.

Салгыы анал байыаннай дьайыыга сылдьар дьоҥҥо ханнык көмө баарын, тыа хаһаайыстыбатыгар уларыйыы, нэһилиэктэр икки ардыларыгар баар күөллэр кыраныыссаларын туһунан ыйыталастылар.

Мунньах түмүгэр улуус баһылыга нэһилиэк олохтоохторо анал байыаннай дьайыы кыттыылаахтарыгар күүс-көмө буолалларыгар махтанарын туһунан эттэ.

 

Иван Лукин.