Быйыл Арассыыйаҕа биллэриллибит Учуутал уонна настаабынньык сыла түмүктэнэн эрэр. Сыл устата өрөспүүбүлүкэҕэ араас тэрээһиннэр ыытылыннылар.
Төҥүлү нэһилиэгэр Надежда Николаевна Оконешникова салайар «Доруобуйа» түмсүүгэ үөрэхтээһин эйгэтигэр үлэлээбит бэтэрээн учууталларыгар анаммыт тэрээһин олохтоох бибилэтиэкэҕэ ыытылынна.
Уһуйаан уонна үөрэх эйгэтигэр үлэлээбит настаабынньыктар:
- Александра Семеновна Баишева ‒ Төҥүлү нэһилиэгин Бочуоттаах олохтооҕо, Мэҥэ Хаҥалас Ытык ыал Бочуотун кинигэтигэр киирбитэ, норуот маастара, СӨ үөрэҕириитин систиэмэтин Бочуоттаах бэтэрээнэ
- Варвара Александровна Яковлева ‒ педагогическай үлэ бэтэрээнэ, Араҥас, Төҥүлү нэһилиэктэрин бочуоттаах олохтооҕо, «Старший учитель РСФСР» Үөрэх министиэристибэтин бэлиэтэ, СӨ Учууталлар учууталлара бэлиэ, СӨ Бочуоттаах кырдьаҕаһа бэлиэлээх
- Валентина Владимировна Цыпандина ‒ СӨ Норуоттар доҕордоһуулара уордьан кавалера, СӨ үтүөлээх учуутала, мэтэдьиис учуутал, Бүтүн Сойуустааҕы учууталлар 3 сийиэстэрин дэлэгээтэ. «Учитель учительских признаний» конкурус кыайыылааҕа. «За самоотверженный труд» бэлиэлээх. Төҥүлү нэһилиэгин, Мэҥэ Хаҥалас улууһун Бочуоттаах олохтооҕо. Педагогическай үлэ бэтэрээнэ
- Галина Романовна Стручкова ‒ профтех үөрэхтээһин туйгуна, Российскай Федерация орто анал үөрэхтээһин Бочуоттаах үлэһитэ, Төҥүлү нэһилиэгин Бочуоттаах олохтооҕо, «СӨ Бочуоттаах кырдьаҕаһа» бэлиэлээх, үлэ бэтэрээнэ
- Анастасия Михайловна Скрябина ‒ СӨ үөрэҕириитин туйгуна, мэтэдьиис иитээччи, идэтигэр эҥкилэ суох бэриниилээх үлэтин иһин СӨ Бэрэсидьиэнин гранын хаһаайката, Россия уопсай үөрэхтээһинин Бочуоттаах үлэһитэ, СӨ үөрэҕириитин Бочуоттаах бэтэрээнэ
- Валентина Егоровна Захарова ‒ СӨ култууратын туйгуна. Мөҥүрүөн нэһилиэгин Бочуоттаах гражданина, Российскай Федерация үлэтин бэтэрээнэ
- Анна Егоровна Баишева ‒ СӨ үөрэҕириитин туйгуна, Учууталлар учууталлара, Педагогическай энциклопедия 5-с туомугар киирбитэ. СӨ үөрэҕириигэ систиэмэтин Бочуоттаах бэтэрээнэ, Төҕүлү нэһилиэгин Бочуоттаах олохтооҕо, «За заслуги перед наслегом» бэлиэ хаһаайката, Сахаада успуорт маастара, «За вклад в развитие спорта в улусе» бэлиэлээх
- Надежда Николаевна Оконешникова ‒ физик-математик идэлээх. Өр сылларга математика учууталынан үлэлээбитэ. Медалист оҕолордоох 2 оҕо кыһыл көмүһүнэн, 5 оҕо үрүҥ көмүһүнэн. Үөрэппит оҕо ситиһиитэ учууталга дьоло буолар, олоххо кынаттыыр.
- Любовь Ионовна Стручкова ‒ СӨ үөрэҕириитин туйгуна, СӨ Ытык сүбэ бэлиэлээх, СӨ Бочуоттаах кырдьаҕаһа.
- Матрена Васильев Борисова ‒ Мэҥэ Хаҥалас улууһун сыана бэтэрээнэ бэлиэлээх. Үлэ бэтэрээнэ.
- Зинаида Михайловна Бурцева ‒ мэтэдьиис учуутал, СӨ үөрэҕириитин туйгуна, педагогическай үлэ бэтэрээнэ,
- Любовь Николаевна Назарова ‒ Российскай Федерация уопсай үөрэҕириитин Бочуоттаах үлэһитэ, СӨ үөрэҕириитин туйгуна, мэтэдьиис учуутал, Учууталлар учууталлара, Төҥүлү нэһилиэгин бочуотун кинигэтигэр киирбитэ. «Мастер слова» бэлиэлээх.
- Альбина Антоновна Находкина ‒ СӨ үөрэҕириитин туйгуна. Уопсай үөрэҕирии Бочуоттаах үлэһитэ.
Бу идэлэрин туһунан, урукку үлэлээбит сылларын, оҕо иитиитигэр анаабыт туох баар билиилэрин, сатабылларын биэрэн, үөрэппит оҕолорун олох киэн аартыгын булларбыт кэмнэрин дуоһуйа ахтан санаан аастылар. Тэрээһин иккис аҥарыгар бэлэмнээн кэлбит араас эйгэттэн боппуруостарын таайтаран умнуллубат бэлэхтэрин туттардылар. Ытыктабыллаах ыалдьыттарбытыгар «Эйгэ» култуура киинин уус-уран салайааччыта Айтал Соловьев эҕэрдэ ырыаларын анаата.
Хас биирдиибит оскуолаҕа үөрэммит үтүөкэн кэмнэрбитин, учууталлардыын алтыспыт сылларбытын долгуйа ахтабыт. Олус да элбэх умнуллубат түгэннэр өйбүтүгэр-сүрэхпитигэр сөҥөн хаалбыттар. Ытыктыыр уһуйааччыларбыт, учууталларбыт эһиги үлэҕитигэр үрдүк ирдэбиллэргитинэн, дириҥ билиигитинэн уонна олоххо муударай сыһыаҥҥытынан, көлүөнэ сайдарыгар олохторун түстээн биэрбит өҥөҕүт умнуллубат. Эһигиттэн ылбыт билиибит олохпут ситиһиитин дакаастабыла буолар. Сылын аайы дойду үрдүнэн үөрэхтээһин салаата аныгы үйэ уларыйыыларын кытта тэтимнээхтик тэҥҥэ сайдан иһэр эйгэ буолар.
Түмүгэр «Доруобуйа» түмсүү кыттыылаахтара бэйэлэрин эҕэрдэлэрин тириэрдэн үөрүү үтүмэнэ, ону тэҥэ «Не смейте забывать учителей» Андрей Дементьев хоһоонун Елена Попова ааҕан бэлэхтээтэ.
Елена Борисова
Төҥүлү.