Майа сэлиэнньэтин “Түмэн» уопсастыбаннай холбоһук салайааччытын солбуйааччы, анал байыаннай дьайыы иис сыаҕын салайааччы Федора Наумова Ил Түмэн дьокутааттарын Тихон Скрябины, Олег Марковы кэлэн иһэр 2024 сылынан итиитик-истиҥник эҕэрдэлиир.
Дьокутааттар анал байыаннай дьайыы саҕаланыаҕыттан “Түмэн” уопсастыбаннай холбоһук ыытар үлэлэригэр араас хабааннаах элбэх көмөнү оҥорон кэллилэр. Иистэнэр тэриллэри, 6 сымнаҕас кириэһилэни, о.д.а. көмөлөрү оҥороннор сарсыарда 8-9 чаастан киэһэ 18-20 чааска диэри, ардыгар өрөбүлэ да суох үлэлиир уопсастыбанньыктар үлэлэрин биллэрдик чэпчэппиттэр.
Биир дойдулаах дьокутааттарбыт бу күннэргэ Саҥа дьылынан “Көмүлүөк” пиирмэ чэй иһэр нобуорун, гриллээх микроволновай оһох бэлэхтээннэр үөрүүлэрин үрдэттилэр.
Федора Ивановна “Түмэн” холбоһук сүбэтин аатыттан Ил Түмэн дьокутааттарыгар Тихон Николаевичка, Олег Олеговичка ситиһиилээх үлэни, чэгиэн доруобуйаны, тус олохторугар дьолу-соргуну баҕарар.
Марелла Баишева.
