Хаһаайыстыбаларга эбии ас үүнүүтэ быйыл өлгөм. “Тумул” ТХПК сиилэс хомуурун саҕалаата.
Үлэ хаамыытын “Тумул” ТХПК агронома Тимур Десяткин сырдатар: «Атырдьах ыйын ортотуттан сиилэс хомуйуута саҕаланна. Василий Свинобоев комбайнердаах “Полесье” силоснай комбайн бааһынаҕа үлэлии таҕыста. Сиилэһи чааһынай «Шанкси» массыынатынан Геннадий Атласов тиэйэр. 2016 сыллаахха 500 туоннаҕа анаммыт силоснай траншея туттубуппут. Кладовщицанан Нина Иванова онтон ыскылаат үлэһиттэринэн Николай Эверстов, Григорий Птицын уонна “МТЗ-82“ тырахтарыыстарынан Владислав Верховцев, Спиридон Десяткин үлэлии-хамсыы сылдьаллар».
Бүгүҥҥү күн туругунан 200 туонна хомулунна. Уопсайа 51 гектар иэннээх “Хочой” бааһынатыгар эбии ас култууралара – эбиэс уонна судаанскай от ыһыллыбыттара.
Улуус дьаһалтатын пресс-сулууспата.