Доллу нэһилиэгэр «Тумул» тыа хаһаайыстыбатын производственнай кэпэрэтиибин иһинэн бурдук хаһаайыстыбата тэриллибитэ 25 сыла буолбутун үрүүлээх быһыыга-майгыга бэлиэтээтилэр.
Таисия Десяткина салайааччылаах «Тумул» ТХПК хороҕор муостааҕы иитиинэн утумнаахтык, бурдук ыһыытынан дьаныардаахтык дьарыктанан күн бүгүн өрөспүүбүлүкэҕэ тарбахха баттанар бастыҥ үлэлээх, үтүө үлэһит дьонноох тэрилтэ буолар.
Улуус баһылыга Дмитрий Тихонов, Ил Түмэн дьокутааттара Андрей Находкин, Захар Никитин, тыа хаһаайыстыбатын управлениетын салайааччыта Иннокентий Семенов, сүрүн агронома Василий Бурнашев, нэһилиэк баһылыга Николай Сивцев кэпэрэтиип кэккэ бастыҥ үлэһиттэригэр тыа хаһаайыстыбатын сайдыытыгар киллэрэр кылааттарын иһин эҕэрдэ суруктары, наҕараадалары туттардылар.
