Олунньу 12 күнүгэр 1-кы Наахара нэһилиэгэр Бырабыыталыстыба иккис отчуоттуур бөлөҕө олохтоохтору кытта көрүстэ.
Отчуоттуур бөлөх салайааччыта СӨ Тыа хаһаайыстыбатын миниистирин солбуйааччы Николай Афанасьев өрөспүүбүлүкэҕэ ааспыт сыллааҕы үлэни, ситиһиилэри сырдатта, кэлбит сыл соруктарын билиһиннэрдэ.
Олохтоохтор хаарбах дьиэттэн көһөрүү бырагыраама салҕанарын, эдэр үлэһиттэргэ аналлаах саҥа уопсай дьиэ тутуутугар ханнык көмө баарын, Аллараа Бэстээххэ элбэх оҕолоох ыалларга бэриллибит учаастакка электроуот уонна гаас хаһан тардылларын, быраастар мобильнай биригээдэлэрин үлэлэрин, ирбэт тоҥ туругун хонтуруолун ыйыталастылар
Тиэлигилэр тыыл бэтэрээннэригэр хапытаалынай өрөмүөҥҥэ бэриллэр харчыны үрдэтэргэ уонна сыллата туруоруллар сүрүн боппуруос саҥа успуорт саалатын тутуутун, нэһилиэктэр икки ардыларын суол оҥоһуутун туруорустулар. Отчуокка олохтоохтортон 47 киһи кытынна.
Иван Лукин
