Муус устар 6 күнүгэр А.А.Пахомов аатынан Тиэлиги орто үөрэхтээһин оскуолатыгар эрэгийиэннээҕи II научнай-практическай кэмпириэнсийэ ааҕыылара буоллулар.
Үөрэнээччилэргэ 4 уонна учууталларга аналлаах 2 хайысханан кэтэхтэн уонна тута ааҕыыга барыта 11 улуустан, Дьокуускай куораттан 104 үөрэнээччи уонна учуутал кытынна. Дьүүллүүр экспиэртэринэн биология билимин дуоктара Михаил Черосов, педагогика билимин дуоктара Мария Прокопьева, экэниэмикэ билимин хандьыдаата Михаил Соломонов, география билимин хандьыдаата Михаил Охлопков, Дьокуускай куорат 7 №-дээх оскуолатын учуутала Оксана Захарова, Мэҥэ Хаҥалас үөрэҕириитин салалтатыттан Ким Шахурдин, Айыына Неустроева үлэлээтилэр. Экспиэртиир хамыыһыйа бастыҥнары талла уонна хас хайысха аайы лауреат, дипломант аатын иҥэрдэ, анал бириистэрин анаата.
«Саха сирин экэниэмикэтэ» хайысхаҕа лауреат аатын Тускулаана Никитина сүктэ (А.А.Пахомов аатынан Тиэлиги оскуолата), 1-кы истиэпэннээх дипломант Урсун Романов (В.Н.Петров аатынан Дьабыыл оскуолата), 2-с истиэпэннээх дипломант Сильвия Стручкова, Сайаана Попова (Л.Е. Лукина аатынан Бэрдьигэстээх эбии үөрэхтээһинин киинэ), 3-с истиэпэннээх диплом Алина Абрамова (В.П.Ларионов аатынан Майа оскуолата).
«Естественнэй билим» хайысхаҕа лауреат аатын Дархан Константинов, Георгий Тарасов (Л.Е.Лукина аатынан Бэрдьигэстээх эбии үөрэхтээһинин киинэ), Сандаара Степанова (Л.Е.Лукина аатынан Бэрдьигэстээх эбии үөрэхтээһинин киинэ) ыллылар. 1-кы истиэпэннээх дипломунан Евдокия Исакова (Л.Е.Лукина аатынан Бэрдьигэстээх эбии үөрэхтээһинин киинэ), Кюннэй Маматкулова (В.П.Ларионов аатынан Майа оскуолата), 2-с истиэпэннээх диплом Айаан Протопопов (Л.Е. Лукина аатынан Бэрдьигэстээх эбии үөрэхтээһинин киинэ), 3-с истиэпэннээх диплом Ярослав Степанов (Л.Е.Лукина аатынан Бэрдьигэстээх эбии үөрэхтээһинин киинэ), ону таһынан анал ааттар Виолетта Тарасоваҕа (Л.Е.Лукина аатынан Бэрдьигэстээх эбии үөрэхтээһинин киинэ), Диана Охлопковаҕа (И.Г.Тимофеев аатынан Майа лисиэй) иҥэриннилэр.
“Тыа хаһаайыстыбатын билимэ” хайысхаҕа лауреаттарынан буоллулар Розанна Сергеева (А.А.Пахомов аатынан Тиэлиги оскуолата), Тамара Сыдыкбекова (В.П.Ларионов аатынан Майа оскуолата), Сайнаара Пахомова, Валерия Слепцова (Л.Е.Лукина аатынан Бэрдьигэстээх эбии үөрэхтээһинин киинэ), Эйэлиинэ Егорова (Томпо Кириэс Халдьаайы Ф.М.Охлопков аатынан оскуола), 2-с истиэпэннээх дипломунан Айсена Дьяконова (Л.Е.Лукина аатынан Бэрдьигэстээх эбии үөрэхтээһинин киинэ), Амелия Карпова (В.П.Ларионов аатынан Майа оскуолата), 3-с истиэпэннээх диплом Адриан Петров (А.В.Чугунов аатынан Мэлдьэхси оскуолата), Регина Макеева (Л.Е.Лукина аатынан Бэрдьигэстээх эбии үөрэхтээһинин киинэ) буоллулар.
“А.А.Пахомов уопсастыбаннай спортивнай үлэтэ” диэн хайысхаҕа лауреатынан Наина Исакова (А.А.Пахомов аатынан Тиэлиги орто оскуола) буолла.
5-с, 6-с хайысхаларга учууталлар кытыннылар. Ол курдук, “Политехническэй уонна педагогическай үөрэхтээһин” хайысхаҕа лауреатынан В.П.Ларионов аатынан Майа орто оскуолатын учууталлара М.А.Самсонов, И.В.Кондаков, В.Г.Черкашина, 1-кы истиэпэннээх дипломунан Г.И.Соловьев аатынан Ороссолуода орто оскуолатын учуутала Валентина Стручкова, 2-с истиэпэннээх дипломунан Г.И.Соловьев аатынан орто оскуола учуутала Татьяна Иванова, 3-с истиэпэннээх дипломунан Г.И.Соловьев аатынан Ороссолуода орто оскуолатын учуутала Анастасия Бочкарева наҕараадаланнылар.
Онтон 6-с “Педагогика технологиялара” хайысхаҕа лауреатынан Г.И.Соловьев аатынан Ороссолуода орто оскуолатын учууталлара Анастасия Бочкарева, Валентина Стручкова ааттаннылар. 1-кы истиэпэннээх диплом С.А.Новгородов аатынан Чурапчы орто оскуолатын учуутала Анна Саввина, 2-с истиэпэннээх Ф.Г.Охлопков аатынан Майа орто оскуолатын учуутала Алена Алексеева, 3-с истиэпэннээх дипломант А.А.Пахомов аатынан Тиэлиги орто оскуолатын учуутала Галина Аргунова буоллулар.
Бу иккис төгүлүн ыытыллар Пахомовскай ааҕыыларга экэнэмиичэскэй билим дуоктара, Арассыыйаҕа естественнэй билим академига Александр Алексеевич Пахомов бэйэтин үлэлэрин, суруйууларын, кинигэлэрин улахан быыстапкатын туруорда, көрбүт дьон сэҥээриитин ылла.
Сардана Сергеева,
нэһилиэк бибилэтиэкэрэ.
