Олунньу 13 күнүнэр сарсыардаттан лиссиэй үөрэнээччилэрин гуманитарнай кафедра учууталлара алгыстаах алаадьынан үөрэ-көтө көрүстүлэр. Сахалартан бастакы лингибиис Семен Андреевич Новгородов төрөөбүт күнүгэр ХИФУттан культурология доктора, француз тылын профессора, Саха сиринээҕи Россия Африка сибээстэһиитин директора Изабелла Захаровна Борисова , саха салаатын преподавателэ, доцент Марианна Юрьевна Билюкина, саха салаатын кафедратын аспирана Сардаана Афанасьевна Кондратьева ,алгысчыт, РФ журналистарын чилиэнэ, бэтэрээн учуутал Анна Климентьева, ИЗФИР доцена Мария Хомподоева , СР аудиовизуальнай нэһилиэстибэтин методиһа, аспирант Егор Пеньков күндү ыалдьыт буоллулар. Кинилэри кытта Комерун судаарыстыбатыттан кэлбит үс студент Онгмем Жизель Марселли, Кунду Нгомби Карин, Кинг Сапейа Иван ыалдьыттаатылар . Кураторскай час бэриэмэтигэр кылаастарга киирэн, бэйэлэрин туһунан уонна төрөөбүт тыл олус наадалааҕын кэпсээтилэр. Үөрүүлээх линейкаҕа мустан бары ыалдьыттары кытта көрсүһэн, ырыа истэн, хомус оонньоон, хаартыскаҕа түстүбүт, оһуокайдаатыбыт. Суолталаах күнү түмүктээн, 9 кылаас үөрэнээччилэрэ «Лира» кулууп литературнай квартирникка сырыттыбыт: хомоҕой хоһоон, гитаранан ырыа хаппахчытын сэгэттибит. Үгүс кэрэхсэбиллээх түгэннээх үтүөкэн күн ааста.
Марианна Миронова.
