Улууспут биир бөдөҥ нэһилиэгин Төҥүлүтээҕи 287 нүөмэрдээх быыбардыыр учаастагар Варвара Баишева бэрэссэдээтэллээх 10 чилиэннээх хамыыһыйа балаҕан ыйын 8 күнүттэн үрдүк эппиэтинэстээхтик үлэлиир.
Баартыйалартан кэтээн көрөөччүлэр 3-түү буолан, уопсастыбаннас аатыттан Елена Попова, Иван Черкашин, Алексей Харитонов уочаратынан олороллор.
Ыксаллаах быһыы-майгы Төҥүлүтээҕи учаастагын начаалынньыга Роман Баишев бэрээдэги хонтуруоллуур. Михаил Кычкин, Уйгулаана Баишева биир бастакынан быыбардыыр бырааптарын туһаннылар.
Быыбар тиһэх күнүгэр 14 ч.15 мүн. дааннайынан өрөспүүбүлүкэтээҕи испииһэгинэн 1516 быыбардааччы баарыттан бу чааска 742, дьиэҕэ 70, муниципальнай испииһэгинэн 1586 быыбардааччы баарыттан учаастакка 731, дьиэҕэ 70 киһи куоластаатылар.
Марелла Баишева.
