Төҥүлү нэһилиэгэр оройуон баһылыгын сыллааҕы үлэтин отчуотугар 96 олохтоох кытынна.
Ил Түмэҥҥэ Мэҥэ Хаҥаластан дьокутааттар туох үлэни ыыппыттарын, тыа хаһаайыстыбата быйыл ханнык бырайыактарга, хайыскаларга үлэлиирин, иччитэх дьиэҕэ аттыгар таах турар гаас стоягын ким көрөрүн, байыаннай дьайыыга сылдьар дьоҥҥо сири биэрии, саҥа муусукаалынай оскуола, успуорт саалата, култуура киинэ уонна үөрэнээччилэр олорор интэринээттэрин тутууну ыйыттылар.
Үс нэһилиэги холбуур муосталар өрөмүөннэнэр туруктаахтарын, тыраассаттан нэһилиэккэ киирэр суолга суол бэлиэлэрэ наадатын, учаастактааҕы балыыһа тымныытын туһунан санааларын эттилэр.
Иван Лукин.
