Олунньу 25 күнүгэр Төҥүлү оскуолатын түмэлигэр педагогическай үлэ бэтэрээнэ, Арассыыйа Суруналыыстарын сойууһун чилиэнэ Любовь Семеновна Аргунова «Бастакылар» кинигэтин сүрэхтэниитэ буолан ааста.
Кинигэҕэ 1936 с. Төҥүлү бастакы 7 кылаастаах, 1941 с. орто оскуолатын бүтэрбит дьон дьылҕалара бу оскуола үөрэнээччилэрин уонна учууталларын көрдүүр-ирдиир үлэлэрин түмүктэрэ сырдатыллыбыт. Кинигэ литературнай эрэдээктэрэ ‒ педагогическай үлэ бэтэрээнэ Вера Сотникова.
Истиҥ-иһирэх кэпсэтиигэ бастакы выпускник Георгий Михайлович Сергучев улахан оҕото Галина Олесова, выпускниктар чугас аймахтара Тамара Лонгинова, Валентина Цыпандина, Елизавета Барабанова, Варвара Яковлева, Лидия Андросова, Екатерина Михайлова, Людмила Габышева-Борисова, бэтэрээн учууталлар Андрей Стручков, Зинаида Бурцева, нэһилиэкпит баһылыга Петр Эверстов, оскуолабыт салалтата о.д.а. кыттыыны ыллылар.
Любовь Семеновнаҕа үөрэммит-үлэлээбит оскуолатыгар, дьонугар-сэргэтигэр саҥа кинигэни утары ууммутугар, үөрүүтүн үллэстибитигэр, айар үлэтэ эдэр дьоҥҥо холобур буоларыгар үгүс махтал тыллара этилиннилэр.
Розалия Борисова, оскуола түмэлин үлэһитэ.
