Эҕэрдэлиибит!
Биир дойдулаахпыт, аатырбыт сүүрүк, тириэньэр Татьяна Жиркова РФ Бэрэсидьиэнин Владимир Путин Ыйааҕынан физическэй култуура уонна успуорт эйгэтигэр үтүөлэрин, өр сыллаах үтүө суобастаах үлэтин иһин «Арассыыйа Федерациятын физическэй култуураҕа үтүөлээх үлэһитэ» бочуоттаах аатын сүктэ. Кини ‒ СӨ чэпчэки атлетикаҕа сүүмэрдэммит хамаандатын ыстаарсай тириэньэрэ.
Бу үрдүк наҕараада Ыйааҕа Татьяна Юрьевна төрөөбүт-үөскээбит улууһа Мэҥэ Хаҥалас төрүттэммитэ 95 сылын бэлиэтиир кэрэ-бэлиэ күнүгэр, олунньу 10 күнүгэр тахсыбыта икки бүк долгутуулаах, үөрүүлээх.
Киэн туттар биир дойдулаахпытын бочуоттаах аатынан наҕараадатынан истиҥник эҕэрдэлиибит уонна инникитин да үрдүк ситиһиилэри баҕарабыт.