Саха омуктан Аҕа дойду Улуу сэриитин кэмигэр Сэбиэскэй Сойуус Дьоруойун 8 киһи ылбыта биллэр: Федор Попов, Федор Охлопков, Владимир Лонгинов, Николай Чусовской, Алексей Миронов, Николай Кондаков, Николай Степанов, Арассыыйа Дьоруойа Михаил Стрекаловскай. Ону таһынан Дьоруой аатыгар түһэриллэн баран, араас төрүөтүнэн ылбатахтар бааллара биллэр. Кинилэр көрдөрбүт хорсун быһыылара билигин даҕаны биһиги ыччаттарбытынан салҕанара сиэрдээх.
Саха аатын байыаннай дьайыыга үрдүктүк ааттаппыт уолаттарбыт Алексей Неустроев, Филпп Евсеев Арассыыйа Дьоруойа Бочуоттаах ааты ылбыттара элбэҕи этэр. Биэрбит бирисээгэлэригэр бэриниилээх, хорсун санаалаах уолаттарбыт ааттарынан киэн туттабыт. Этэҥҥэ эргиллэн, эйэлээх олоҕу тутууга турунуохтара диэн бигэ эрэллээхпит.