Ахсынньы 1 күнүгэр Тараҕай нэһилиэгин Капиталина уонна Иван Бурнашевтар ааттарынан култуура сынньалаҥ дьиэтигэр саха талааннаах поэттарыттан, тылбаасчыттарыттан биирдэстэрэ биир дойдулаахпыт Иван Егорович Слепцов – Арбита ахсынньы 29 күнүгэр төрөөбүтэ 110 сыла туолуутугар аналлаах үөрүүлээх улуустааҕы 14-с Арбита ааҕыылара үрдүк таһымнаахтык ыытылынна.
Тэрийээччилэр Р.А. Бурнашов аатынан Табаҕа орто оскуолатын коллектива, нэһилиэк олохтоох модельнай библиотеката. Күрэҕи сыаналаатылар дьүүллүүр сүбэ Макарова П.Т. Табаҕа орто оскуолатын музейын үлэһитэ, Филиппова Е.Г. үөрэх чааһыгар дириэктэри солбуйааччы, Белолюбская М.С. Табаҕатааҕы оҕо ускуустубатын оскуолатын тыйаатыр кылааһын салайааччыта, Дьячковская Т.П. Табаҕа орто оскуолатын нуучча тылын уонна литературатын учуутала. Тэрээһини иилээн-саҕалаан ыыттылар библиотека үлэһиттэрэ Никанорова А.В., Михайлова Т.Ю. Бүгүҥҥү тэрээһин күндү ыҥырыылаах ыалдьыттарынан Борисова Вера Степановна – Иван Арбита бииргэ төрөөбүт балтын кыыһа, СӨ үтүөлээх бырааһа, СӨ доруобуйатын харыстабылын туйгуна, СӨ наркологическай сулууспатын үтүөлээх үлэһитэ, «Мэҥэ Хаҥалас улууһугар улууска үтүөлэрин иһин» бэлиэ хаһаайына, Сергеева Анна Николаевна – Иван Арбита бииргэ төрөөбүт быраатын Николай Егорович Слепцов кыыһа. Быйылгы улуустааҕы 14-с төгүлүн ыытыллар Арбита ааҕыылара түөрт түһүмэҕинэн аныгылыы хайысхалаах, сэргэхтик тэриллиннэ. Маҥнайгы түһүмэх айар үлэ 5-7 кылаастарга Арбита хоһоонунан 10 мүн. куукула тэттик тыйаатырын көрүү. Иккис түһүмэх «Биһиги оскуолабыт үөрэнээччилэрэ, учууталлара Арбита ааҕыыларыгар кыттыылара» хаартыскалардаах ыстатыйа суруйуутун күрэҕэ. Үһүс түһүмэх Арбита хоһооннорунан аудио-ааҕыы күрэҕэ. Төрдүс түһүмэх Арбита айар үлэтигэр 5-7 мүн. буктрейлер күрэҕэ. Маҥнайгы түһүмэххэ куукула тэттик тыйаатырын көрүүгэ 3 үлэ сыаналанна: Лауреат Р.А.Бурнашов аатынан Табаҕа орто оскуолатын коллектива «Арбита олоҕун, айар үлэтин күлүм түгэннэринэн», салайааччы Степанова Р.Д. Бастакы степеннээх дипломант К.О.Гаврилов аатынан Бүтэйдээх орто оскуолатын коллектива «Мин» Арбита хоһооннорунан тэттик дьүһүйүү, салайааччы Семенова А.Д. Иккис степеннээх дипломант Табаҕа орто оскуолатын 9 кылааһын үөрэнээччитэ Васильев Эрхан «Учуутал санаалара», салайааччы Романов М.М. Иккис түһүмэххэ ыстатыйа суруйуутугар: Лауреат Семенова А.Д. Бүтэйдээх орто оскуолатын учуутала «Үрдүккэ кынаттыыр ураты суолталаах Арбита ааҕыылара» ыстатыйата. Маҥнайгы степеннээх дипломант Попова А.М. Алтан орто оскуолатын учуутала «Айхаллаах аата ааттанар». Иккис степеннээх дипломант Чичахова Е.В. «Кэрэли» оҕону эбии үөрэхтээһин киин үлэһитэ «Арбита ааҕыылара». Үһүс степеннээх дипломант Колесова А.А. Хаптаҕай орто оскуолатын учуутала «Ураты хоһооннорун үөрэппиппит» ыстатыйата. Үһүс түһүмэххэ Арбита хоһооннорун аудио-ааҕыы күрэҕэр уопсайа 25 кыттааччы кытынна: Лауреат Чыамайыкы нэһилиэгиттэн саха тылын уонна литературатын учуутала Иванова Н.В. Арбита «Буурҕа» хоһоон, бастакы степеннээх дипломант Тиэлиги нэһилиэгиттэн А.А.Пахомов аатынан орто оскуолатын дириэктэрэ Бурнашев В.П. «Мин төрөөбүт дойдум» хоһоон, иккис степеннээх дипломант Дьаҥхаады нэһилиэгиттэн олохтоох модельнай библиотека үлэһитэ Дмитриева П.Г. «Эн ханна бааргыный» хоһоон, үһүс степеннээх дипломант Моорук нэһилиэгиттэн олохтоох библиотека үлэһитэ Иванов А.Н. «Мин төрөөбүт дойдум» хоһоонноро кыайыылааҕынан таҕыстылар. Төрдүс түһүмэххэ буктрейлер күрэҕэр: Лауреат «Кэлэр кэм кынаттаах поэта-Иван Арбита» К.О.Гаврилов аатынан Бүтэйдээх орто оскуолатын 8 кылааһын үөрэнээччилэрэ салайааччы Васильева Е.В. оскуола педагог – библиотекара. Маҥнайгы степеннээх дипломант «Степан Марков. Кэрэни кэрэхсии кэлбиппин» Р.А.Бурнашов аатынан Табаҕа орто оскуолатын 8 кылааһын үөрэнээччитэ Алексеев Павел, 9 кылаас үөрэнээччитэ Владимиров Максим салайааччылар: Аргунова О.И., Максимова А.Е., Слепцова В.В. Иккис степеннээх дипломант В.П.Ларионов аатынан Майа орто оскуолата салайааччылар Бугаева С.Н., Дмитриева С.М. Үһүс степеннээх дипломант «Иван Арбита. Көмүс күрүлгэн» Р.А.Бурнашов аатынан Табаҕа орто оскуолатын 10 кылааһын үөрэнээччитэ Владимирова Милана салайааччы Владимирова Е.В. Кыттааччылар бириистэринэн, грамоталарынан, туоһу суруктарынан, Арбита хаан-уруу аймахтара туруорбут анал бириистэринэн наҕараадаланнылар. Бүгүҥҥү тэрээһини киэргэттилэр биһиги улууспутугар биир бастакынан тэриллибит, айымньылаах үлэтин үтүө түмүгүн көрдөрбүт Майатааҕы эдэр көрөөччү кукольнай тыйаатыра, режиссер Александра Скрябина. Табаҕатааҕы оҕо ускуустубатын оскуолатын «Дьүһүйүү» оҕо образцовай театральнай коллектива «Муҥурданыы» композиция салайааччы СӨ култууратын туйгуна Белолюбская М.С. Култуура сынньалаҥ дьиэтин үлэһитэ Семен Марков толоруутугар Арбита тылларыгар, Байбал Сэмэнэп мелодиятыгар «Табаҕалыыр алааһым» ырыата. Тэрийэр бөлөх аатыттан оскуолабыт меценатыгар Баишева О.И., куонкурустарга спонсордаабыт Арбита хаан-уруу аймахтарыгар, нэһилиэкпит тэрилтэлэригэр, бука бары кыттыыны ылбыт үөрэнээччилэргэ, учууталларга, библиотекардарга дириҥ махталбытын тириэрдэбит! Ааттаах бэйиэт Арбита ааҕыылара салгыы саҥа кэмниин тэҥҥэ хардыылаан, кэнчээри ыччаттарбытыгар үүнүү-сайдыы аартыгын арыйа турдуннар!
Табаҕатааҕы олохтоох модельнай библиотека үлэһиттэрэ