Олунньу 13 күнүгэр Тараҕай нэһилиэгэр Бырабыыталыстыба иккис отчуоттуур бөлөҕө олохтоохтору кытта көрүстэ.
Отчуотуур бөлөх салайааччыта СӨ Тыа хаһаайыстыбатын миниистирин солбуйааччы Николай Афанасьев өрөспүүбүлүкэ ситэриилээх былааһа ааспыт 2024 сылга ыыппыт үлэтин, ситиһиилэри сырдатта, кэлбит сыл соруктарын билиһиннэрдэ.
Олохтоохтор ыйытыы биэрэн оттуур сир ылыытын, оҥоһуу ардаҕы ыытар үлэ, үүт тутуллар сыанатын, сабыллыбыт үүтү тутар пууннары салгыы үлэлэтии, саха тылын көмүскэлигэр туох үлэ ыытылларын, «балбаах сокуонун», ирбэт тоҥ туругун хонтуруолун туһунан, о.д.а. сурастылар.
Тараҕайдар саҥа оскуола, балыыһа тутуутун, арахсан турар төлөпүөн лииньийэтин хомуйтарыыны, суолу оҥорууну, суолга ынах, сылгы тахсыан сөп диэн сэрэтэр бэлиэлэри туруорууну туруорустулар.
Отчуокка олохтоохтортон 100 киһи кытынна.
Иван Лукин.
