Матта оскуолатын базатыгар «Сүрэхпит сылааһын оҕолорго аныыбыт» эбии үөрэхтээһин педагогтарын икки ардыларыгар куонкурус буолан ааста. Тэрээһин үөрүүлээх аһыллыытын, «Уйдара» үҥкүү, «Ымыычаан» ырыа ансаамбыллара ырыанан, үҥкүүнэн киэргэттилэр.
Кыттааччылар — Эльвира Васильевна Попова “Архитектура уонна дизайн”, Марфа Дмитриевна Аталларова ырыа куруһуогун, Сарыал Суор Уола Баишев «Күлүм» куруһуок салайааччылара уонна Сардана Николаевна Егорова «Кэрэли» эбии үөрэхтээһин киинин педагога буолаллар.
Конкурсаннар үлэлэрин 5 эксперт сыаналаата. Кыттааччылар бөлөҕүнэн бырайыак көмүскээтилэр, боппуруостарга хоруйдаатылар уонна оҕолорго олус интэриэһинэй аһаҕас дьарыктары ыыттылар. Айар-тутар дьоҕурдаах, талааннаах педагогтар дьарыктара ураты, интэриэһинэй буолла. Ол курдук, Сарыал Суор Уола тайах муоһуттан харысхал оҥорон көрдөрдө, Сардана Егоровна графическай планшекка 9 айыылары уруһуйдатта.
Куонкурус түмүгүнэн, дьүүллүүр сүбэ быһаарыытынан «Кэрэли» эбии үөрэхтээһин киинин педагога, Сардана Николаевна Егорова кыайыылааҕынан таҕыста.
Күрэх кыттааччыларыгар, инникитин өссө үрдүк кирбиилэри дабайан, саҥаттан саҥа технологиялары баһылаан түбүктээх үлэҕит үтүө түмүктээх буоллун диэн баҕарабыт.
Сонуннары бэлэмнээтилэр Влада Павлова, Ярослав Григорьев, Алетта Данилова, Даяна Кычкина, Каролина Аталларова, Матта
