Моорук нэһилиэгин олохтоохторо Матрена Романовна Егорова уонна Владимир Максимович Ксенофонтов дьиэ кэргэн үтүө үгэһин салҕаан, сиэннэрин күннэтэ үлэҕэ уһуйаллар, бары көмөлөөн кэтэх хаһаайыстыбаларын сайыннараллар.
Сиэннэр үтүө майгылаах, үөрэхтээх дьон буола улааталларыгар бэйэлэрин холобурдарынан иитэллэр. Удьуор утумун, өбүгэлэрин ситимин салҕааннар, төрүччүлэригэр эмиэ улахан болҕомтолорун уураллар, көлүөнэттэн көлүөнэҕэ бэриллэн иһэр үтүө дьарыктары үксэтэргэ дьулуһаллар. Ол иһин сиэннэр дьиэ ис-тас үлэтигэр сыстаҕастар, туохтан да толлон турбаттар, үлэни барытын сатыыллар.
Матрена Романовна төрөппүттэрэ билсибит сирдэригэр сыллата киэҥ аймаҕынан түмсэн сайыны көрсөр үтүө үгэстээхтэр.
Сиһилии Мария Зыкова видеотыгар билсиҥ.
