01 сулууспа сэрэтэр
Саҥа дьыл күүтүүлээх, кэрэ бырааһынньыкпыт кэлэрэ аҕыйах хонук хаалла. Саҥа дьыл иннинээҕи түбүк быыһыгар, арыт киһи баһаартан сэрэхтээх буолуу быраабылатын тутуспат түгэнэ тахсара баар суол. Бырааһынньыкпыт этэҥҥэ ааһарын туһугар баһаарынай быраабылалары тутуһарбыт наадалаах.
Харыйаны дьиэҕэ, кыбартыыраҕа туруорарга бу курдук ирдэбили тутуһар наада:
‒ Харыйа бигэ оҥоһуу маска, киирэр-тахсар аантан тэйиччи туруоруллар. Харыйа лабаата түннүк сабыытын, быыһы таарыйыа суохтаах, дөбөҥнүк умайымтыа биридимиэттэртэн икки миэтэрэ тэйиччи буолуохтаах.
‒ Харыйаҕа түргэнник умайар матырыйаалтан оҥоһуллубут оонньуурдары, холобур целлулоидтан, ыйыыр кутталлаах, көҥүллэммэт. Баатаны киэргэл курдук туттумаҥ. Киэргэтэргэ собуокка эрэ оҥоһуллубут анал оонньуурдары, электрогирлянданы ыйааҥ. 12 вольтан үрдүк күүрүүлээх лаампалары туттумаҥ. Чүмэчини уматар олох бобуллар. Алдьаммыт гирляндалары холботолоон, биир гирлянда гына оҥорумаҥ, бобуллар, саҥаны атыылаһыҥ. Кыра оҕону көрө сылдьыҥ, уоттаах харыйаны сонурҕаан суулларан кэбистэҕинэ кутталлаах.
Кыра оҕолору көрүүтэ-истиитэ суох дьиэҕэ хаалларымаҥ. Оҕо илиитэ тиийэр сиригэр, көстөр сиргэ испиискэни, зажигалканы уурумаҥ.
Бенгальскай уоту, фейервери, уоттаах хлопушканы, пиротехническэй оҥоһуктары дьиэ иһигэр эһэр, ытар булгуччу бобуллар. Пиротехничэскэй оҥоһуктары анал сэртипикээттээх буоллахтарына атыылаһыҥ, таһырдьа эстэрэргэ инструкциятын тутуһуҥ.
Баһаарынай ирдэбиллэри хас биирдиибит тутуһара, толороро наадалааҕын сэрэтэбит. Баһаара-быһылаана суох саамай күүтүүлээх бырааһынньыгы ‒ Саҥа дьылы көрсүөҕүҥ, сынньалаҥмытын атаарыаҕыҥ.
Мэҥэ Хаҥаластааҕы 20 №-дээх баһаарынай сулууспа сэрэтэр үлэҕэ отдела уонна СӨ ЫБМ кэтээн көрөр тэрилтэтэ.