Олунньу 24 күнүгэр «Чүүйэ» МУТ хаһаайыстыбатыгар «Сахаагроплем» судааарыстыбаннай бүддьүөт тэрилтэ үлэһиттэрэ улуус тыа хаһаайыстыбатын исписэлиистэригэр сүөһүнү буоһатыыга үөрэх ыыттылар.
Тыа хаһаайыстыбатын исписэлиистэригэр, үлэһиттэригэр «Сахаагроплем» сиэмэлээһиҥҥэ салаатын зоотехниктара Татьяна Протопопова, СӨ үтүөлээх зоотехнига лиэксийэ ааҕан, Александр Попов сиэмэнэн үлэни көрдөрөн үөрэттилэр. Түмүккэ үлэһиттэр «Чүүйэ» МУТ хаһаайыстыбатын ынахтарыгар буоһатыы практикатын аастылар.
Александр Попов, «Сахаагроплем» судаарыстыбаннай бүддьүөт тэрилтэтин сиэмэлээһиҥҥэ салаатын зоотехнига:
– Быйыл ынаҕы искусственнай буоһатыы биһиги тэрилтэбитигэр бэриллибитинэн сибээстээн кэккэ уларыйыылар киирдилэр. Улуус аайы оператор ананар буолла. Тиэндэри ыллахтарына, бэйэлэрэ осеменатордар үлэлэрин барытын тэрийэллэр уонна биһиэхэ отчуоттууллар. Маны тэҥэ осеменатор хамнаһа үрдээтэ. Биһиги улуустары кэрийэ сылдьан оҥоһуу буоһатыыга үөрэх ыытабыт.
Бүгүн Мэҥэ Хаҥалас нэһилиэктэрин тыа хаһаайыстыбатын исписэлиистэрэ, үлэһиттэрэ көхтөөх кыттыыны ыланнар толору үөрэннилэр. Салгыы Амма, Таатта эҥэр барабыт, – диэн иһитиннэрдэ.
Иван Лукин.
