«Саха Kids» тыйаатыр-устуудьуйа — Чыамыйыкы орто оскуолатыгар быйыл тэриллибит саҥа куруһуок. Салайааччыта Ольга Иннокентьевна Захарова. Тыйаатырбыт улахан уонна кыра бөлөххө арахсар, уопсайа 26 оҕо дьарыктанар.
Биһиги устуудьуйабыт уратыта диэн тугу көрдөрөрбүтүн, араас идиэйэлэри салайааччыбыт өйөбүлүнэн оҕолор бэйэбит толкуйдуубут.
Онон «Среда возможностей» диэн куонкуруска кыттан, 500 тыһыынчалаах грант кыайыылааҕа буолбуппут.
Улахан бөлөх Аллараа Бэстээххэ ыытыллыбыт «Олоҥхо Кидс – Олоҥхо оҕолоро» бэстибээлгэ олоҥхобутун көрдөрөн, бастакы үрдэл буолан кэлбиппит. Олоҥхобут олоҕу билиҥҥилии көрүү туһунан буолар.
Билигин Саҥа дьылбытыгар күүстээхтик бэлэмнэнэ сылдьабыт. Кыра бөлөх оҕолоро бэйэлэрэ айан, уруһуйдаан таһаарбыт остуоруйаларынан туруоруу оҥорон көрдөрүөхтээхтэр. Улахан бөлөх оҕолоро кинилэргэ күүс-көмө буолабыт уонна кыттыһабыт.
Устуудьуйабыт өссө сайдан, элбэх ситиһиилэниэ диэн эрэнэбит.
#средавозможностей #ФондТимченко
Азиза Копырина,
10 кылаас үөрэнээччитэ,
«Проба пера» кэрэспэдьиэнэ.
