Бүгүн, олунньу 2 күнүгэр, өрөспүүбүлүкэбит биир улахан түһүлгэтэ – «Муус устар-2024″ биир трега медиа «Саас» илин эҥэрдээҕи сүүмэрдиир түһүмэҕэ буолан ааста. Барыта 5 улуустан Мэҥэ Хаҥаластан, Уус Алдантан, Чурапчыттан, Амматтан, Тааттаттан 22 хамаанда кыттыыны ылла. Бүгүҥҥү форум үөрүүлээх чааһыгар кыттыыны ыллылар: Мэҥэ-Хаҥалас улууһун муниципальнай оройуон баһылыгын социальнай боппуруостарга уонна имиджевай бэлиитикэҕэ солбуйааччыта Альбина Андреевна Григорьева, Мэҥэ-Хаҥалас улууһун үөрэҕэриигэ салалтатын начальнига Гаврил Николаевич Толстяков, Мэҥэ-Хаҥалас улууһун социальнай бэлиитикэҕэ салалтатын начальнига Октябрина Никитична Кулешова, Н. Е. Мординов — Амма Аччыгыйа аатынан оҕо бэчээтин кыһатын директора Ольга Ивановна Семенова. Ольга Ивановна Семенова Мэҥэ-Хаҥаласка анаммыт «Бэлэм Буол» сурунаал тахсарыгар үлэлэспит оҕолорго сертификаттары уонна «Бэлэм буол» сурунаал комплегын бэлэх уунна. Биһиги оскуолабытыттан Сыромятникова Шура, 9 «г» кыл, Аринкин Артем, 6 «в» кыл., Дудкина Диана, 8 «а» кыл., Ларионов Олег, 7 «в» кыл., Скрябина Саяра, 9 «г» кылаас үөрэнээччилэрин үлэлэрэ киирбиттэрэ.
Күн бастакы аҥаарыгар хамаандаларынан үс бөлөҕүнэн арахсан маастар кылаастар буоллулар, биһиги атын хамаанда оголорун кытта онно сырыттыбыт: видеоны уһулууга, таҥыыга 🎥, сценарийы сөпкө суруйууга✍🏼, спортивнай күрэхтэһиини сырдатыыга маастар кылаастар буоллулар.
Маастар кылаастар кэннилэриттэн хамаандаларынан жеребьевкалаан, талан ылбыт тиэмэбитин «Азия оҕолоруттан» улахан успуортка” тула олорон ырытыһан, толкуйдаан медиа продукт оҥорон таһаардыбыт. 📹📝📸
Уопсай түмуккэ биһиги «Бастыҥ видео» ( “Лучшее видео”) диэн номинацияҕа тигистибит, грамота уонна микрофон (петличка) бэлэх туттубут.🥳👏🏼
Мин санаабар, маннык форумнарга кыттыы олус диэн үөрүүлээх, билиини хаҥатар, киһини сайыннарар суолталаах. Мин олус диэн астынным.
Суруйда: «Мэҥэбил» пресс-киин корреспондена Дайаана Поисеева, 10 «а» кылаас үөрэнээччитэ.
