Күннэтэ уһуйуллар уйата
Үөрэхпит бөҕөргүүр эйгэтэ,
Биир сүрүн тирэҕэ, чиҥ акылаата
Алын кылаас оскуолата- эн буолаҕын биһиэхэ!
🌿Ыам ыйын 22 күнүгэр В.П.Ларионов аатынан Майа орто оскуолатыгар алын сүһүөҕүн бүтэрээччилэригэр «ТИҺЭХ КАЛЕЙДОСКОП» ыытылынна. Сааланы толору оҕолор, кылаас салайааччылара, төрөппүттэр, оскуола салалтата уонна эһиилги үөрэх дьылыгар үөрэтиэхтээх учууталлар бары муһуннулар.
Быйылгы 2023-2024 үө.дь. алын кылааһын выпускниктара:
🔶4 “а” кылаас, кылаас салайааччыта Ефремова Наталья Николаевна;
🔶4 “б” кылаас, кылаас салайааччылара Бурнашева Татьяна Артемовна, Кононова Алена Семеновна;
🔶4 “в” кылаас, кылаас салайааччыта Дмитриева Туяра Васильевна;
🔶4 “г” кылаас, кылаас салайааччыта Жегусова Любамира Семеновна👏👏👏
Бастаан оҕолор бэйэлэрин талааннарын көрдөрөр нүөмэрдэрэ, онтон кылаас аайыттан үрдүк ситиһиилээх оҕолору бэлиэтээһин буолла. Салгыы төрөппүттэр истиҥ махтал тыллара иһилиннэ. Кэлэр кэнчээри ыччаппыт сайдарын туһугар ууруллар тирэх, күүс-көмө, эйгэ өссө да кэҥии туруохтун диэн инникигэ эрэллээх баҕа санаа этилиннэ!👏👏👏
Түөрт сыл устата үөрэх билии аартыгын дабайан, үөрэн-көтөн, сороҕор ыарахаттары да көрсөн-бииргэ тутуспутунан алын кылаас оскуолатын этэҥҥэ түмүктээтигит, аны орто сүһүөх үөрэнээччитэ буолаҕыт.
Светлана Ефимова
