Ньургууна Ариановна Фёдорова-Мэҥэ Ньургууна «Өй-санаа ситимнэрин үөрэтэр идэлээхтэр Маастардара» диэн идэ бочуоттаах аатын ылла.
Өй-санаа ситимнэрин үөрэтэр идэлээхтэр Арассыыйатааҕы Ассоциацияларын Устаабын 2.3 пуунун чэрчитинэн РФ Юстициятын Министиэристибэтэ бигэргэппит идэлээх идэтинэн үлэтигэр төһө кылааты киллэрбитин туһунан идэ-уопсастыбаннай сыанабыла ыытылынна. Ол туһунан Национальнай Кэмитиэт идэ маастарыстыбатын боротокуола 2024 сыл ыам ыйын 27 күнүгэр сурулунна.
Мэҥэ Хаҥалас Нөөрүктээйититтэн төрүттээх биир дойдулаахпыт Мэҥэ Ньургууна үлэтин хайысхаларынан өй-санаа ситимнэрин киһи этин-сиинин чэгиэн-чэбдик турукка киллэрии; ыраахтан уонна атах тэпсэн олорон тутан-хабан киһи ньэгирин хамсатыы; Былыргы Греция уонна Рим саҕаттан үөскээбит сэрэбиэйдэри, сылыктааһыны уонна көрбүөччү үөрэҕин туһаныы (хиромантия, нумерология, астрология, рунология, тассеомантия) буолар.
Маастар аатын иҥэрии идэһит быһыытынан күүстээх бэлэмнээҕин, улахан уопуттааҕын, идэлээх быһыытынан куруук таһымын үрдэтэрин туоһулуур.
Ньургуйаана Скрябина.
