Николай Семенов, “Хорсун быһыы” уордьан кавалера, СӨ үөрэҕириитин, СӨ ыччат бэлиитикэтигэр туйгуна, “Килбиэн” байыаннай дьайыылар бэтэрээннэрин улуустааҕы түмсүүтүн салайааччыта:
‒ Дойду Бэрэсидьиэнэ Владимир Путин байыаннай эпэрээссийэҕэ уһулуччу хорсун быһыыларын иһин биир дойдулаахтарбытыгар Филипп Евсеевка уонна Алексей Неустроевка Арассыыйа Дьоруойа үрдүк наҕараадалары туттарбыта саха дьонугар, ордук байыаннай дьайыы кыттыылаахтарыгар, бэтэрээннэригэр олус үөрүүлээх уонна долгутуулаах буолла. Билиҥҥи үйэ дьоруойдара бүттүүн норуоту ааттаттылар. Маннык хорсун дьонноохпутунан киэн тутуннубут. Үүнэр көлүөнэ ыччакка Аҕа дойдуга бэриниилээх буолуу үтүө холобура диэн бу буоллаҕа. Кинилэр ааттарын ыччат дьоммут билиэхтээхтэр, кинилэр холобурдарыгар иитиллиэхтээхтэр.
