Нөөрүктээйи нэһилиэгин “Айылгы” норуот айымньытын киинигэр сылын ахсын Норуоттар сомоҕолоһууларын күнүн көрсө ыытыллар норуоттар икки ардыларынааҕы “Улахан этнографическай дьыктаан” аахсыйа буолан ааста.
Бу дьыктаан дойду араас хабааннаах былаһааккаларыгар сэтинньи 3-8 күннэригэр ыытыллар. Дьыктаан сүрүн сыалынан дойдубутугар уутуйан олохсуйбут араас этностар устуоруйаларын, култуураларын үөрэтии, сырдатыы буолар.
Павловскайга нэһилиэк тэрилтэлэрин үлэһиттэрэ, бэтэрээннэрэ, уопсайа 34 киһи аахсыйаҕа кыттыыны ыллылар.
