IОлунньу 14 күнүгэр Нөөрүктээйи нэһилиэгэр Бырабыыталыстыба иккис отчуоттуур бөлөҕө олохтоохтору кытта көрүстэ.
Отчуотуур бөлөх салайааччыта СӨ Тыа хаһаайыстыбатын миниистирин солбуйааччы Николай Афанасьев ситэриилээх былаас ааспыт сыллааҕы үлэтин, ситиһиилэри сырдатта, үүммүт сылга соруктары билиһиннэрдэ.
Олохтоохтор хаарбах дьиэттэн көһөрүү бырагыраама салгыы үлэтин, эдэр үлэһиттэргэ аналлаах саҥа уопсай дьиэ тутуутугар ханнык көмө баарын, бэйдиэ сылдьар ыттары бэрээдэктээһин миэрэлэрин, Ходороҕо тутуллубут приют үлэтин, тулаайах оҕолорго бэриллэр дьиэ уочаратын ыйыталастылар.
Салгыы Нөөрүктээйигэ саҥа балыыһа уонна оҕо уһуйаанын тутууну, нэһилиэк оскуолата 150 сылын бэлиэтиир таһымнаах тэрээһини ыытарга Бырабыыталыстыба хамыыһыйатын тэрийиини, «Төҥүргэстээх» сайылыкка электроуот лииньийэтин киллэриини, бэтэринээр миэстэтигэр эдэр исписэлиистэр үлэлии кэлэллэригэр хамнаһы үрдэтиини туруорсан, о.д.а кыһалҕаларын эттилэр.
Отчуокка олохтоохтортон 105 киһи кыттыыны ылла.
Иван Лукин.
