Алтынньы 6 күнүгэр улуустааҕы социальнай бэлиитикэ салалтатын дьиэтигэр Мэҥэ Хаҥалас улууһун баһылыга Дмитрий Иванович Тихоновы кытта улуус бэтэрээн учуутталлара, настаабынньык-педагогтара «Үөрэх сайдыытыгар көлүөнэ быстыбат ситимэ» аһаҕас истиҥ көрсүһүүтэ буолан ааста. Көрсүһүүнү үөрэҕирии эйгэтин бочуоттаах үлэһитэ, бэтэрээн учуутал Климентьева Анна Иннокентьевна иилээн-саҕалаан ыытта. Мэҥэ Хаҥалас улууһун баһылыга Дмитрий Иванович Тихонов, Мэҥэ — Хаҥалас үөрэҕириитин салайааччыта Толстяков Гаврил Николаевич өр сыл үөрэх эйгэтигэр айымньылаахтык үлэлээбит, үлэлиир убаастабыллаах, ытыктабыллаах бэтэрээн үлэһиттэри Арассыыйаҕа биллэриллибит Педагог уонна настаабынньык сыла ааһан эрэринэн, Идэлээх бырааһынньыктарынан барҕа махталларын , истиҥ эҕэрдэлэрин тиэртилэр. Көрсүһүүгэ кэлэн элбэх санаа этиллиннэ, сүбэлэр-амалар, саҥа этиилэр киирдилэр. Ол курдук, “Сардаана” оҕону сайыннарар киин бэтэрээн үлэһитэ Слепцова Инна Ивановна, Ф.Г.Охлопкав аатынан Майа орто оскуолатыттан Петрова Анна Ивановна, В.П.Ларионов аатынан Майа орто оскуолатын бэтэрээн учуутала Андреева Изабелла Николаевна, И.Г.Тимофеев аатынан Майа лицейиттэн Шахурдина Агафья Константиновна, «Кэрэли” улуустааҕы оҕону эбии үөрэхтээһин киин бэтэрээн үлэһитэ Стручкова Светлана Алексеевна, К.О. Гаврилов аатынан Бүтэйдээх орто оскуолатыттан Сидорова Мариса Павловна, Игнатьева Евдокия Васильевна бэйэлэрин санааларын эттилэр, саҥа этиилэри киллэрдилэр. Көрсүһүү олус истиҥник ааста, аһаҕас санаа атастаһыыта барда.Кэнэҕэһин да маннык истиҥ көрсүһүүлэр буола турдуннар.
Поисеева Дайаана, 10 кылаас үөрэнээччитэ
«МЭҤЭБИЛ» пресс-киин кэрэспэдьиэнэ.
