Тохсунньу 23‒26 күннэригэр Дьокуускайга мини-футболга Бүтүн Арассыыйатааҕы турнир эрэгийиэннээҕи түһүмэҕэр күрэхтэһиилэр ыытылыннылар. Маннык күрэхтэһии «Мини-футболу ‒ оскуолаҕа» Бүтүн Арассыыйатааҕы бырайыак иһинэн ыытыллар.
2007‒2008, 2009‒2010, 2011‒2012, 2013‒2014 с.т. хамаандалар кытыннылар.
Хатыһыылаах оонньуулар кэннилэриттэн 2013‒2024 с.т. ‒ Мохсоҕоллоох бастакы, Дьокуускай иккис, Горнай хамаандата үһүс миэстэлэннилэр.
2011‒2012 с.т. ‒ Дьокуускай бастакы, Ф.Г.Охлопков аатынан Майа орто оскуолата иккис, горнайдар үһүс миэстэ буолары ситистилэр.
2007‒2008 с.т. ‒ Мирнэй бастакы, «Цементник» иккис, Дьокуускай үһүс, 2009‒2010 с.т. ‒ Дьокуускай бастакы, Төҥүлү үөрэнээччилэрэ иккис, горнайдар үһүс миэстэ буоллулар.
Түмүккэ биһиги оҕолорбут ситиһиилээхтик кыттыбыттара бэлиэтэннэ. Айсен Федоров «Бастыҥ быратаар», Игнат Шестаков (Төҥүлү) «Бастыҥ кимэн киирээччи», Яков Тастыгин (Майа) «Бастыҥ көмүскээччи» ааттарын сүктүлэр. Бу күрэхтэһиигэ В.П.Ларионов аатынан Майа орто оскуолатын хамаандата 2013‒2024 с.т. бөлөхтөрүгэр ахсыс, 2007‒2008 с.т. бөлөхтөрүгэр төрдүс миэстэлэннилэр.
Эдуард Афанасьев, улуустааҕы оҕо успуордун оскуолатын тириэньэр-преподавателэ.
