Сааскы чаҕылхай күҥҥэ Хорообут оскуолатыгар «Мин ийэбиниин» тэрээһин ыытылынна.
Бастакы чааһыгар «Ийэ баар буолан» презентациялар, психологическай тренинг, араас боппуруостарга санаа атастаһыыта, кыргыттарга сүбэ, көрдөөх оонньуулар буоллулар.
Иккис чааһыгар «Үтүө дьыала» аахсыйа чэрчитинэн, байыаннай дьайыыга сылдьар буойуннарга харысхал оҥорон үөртүлэр. Ийэлэрбит кыргыттарынаан иккилии харысхалы илиилэрин сылааһын иҥэрэн, наҕыл ырыаҕа уйдаран, санаа хоту табыллыбыт оҥоһуктары туттардылар. Тэрээһин кыттыылаахтарыгар асчыт ийэбит Лена Аркадьевна минньигэс туорт оҥорон күндүлээтэ. Түмүккэ бары бэлэх тутан үөрэн-көтөн тарҕастылар.
Октябрина Васильева.
