Балыктаах орто оскуолатыгар 2023‒2024 үөрэх сылыгар 87 оҕо үөрэх сылын этэҥҥэ түмүктээбиттэрэ. Ол иһигэр 9-с кылааһы 10 оҕо, 11-с кылааска алта оҕо итоговай госаттестацияларын ситиһиилээхтик туттарбыттара. 9-с кылааһы Коля Неустроев кыһыл аттестатынан, 11-с кылааһы Маша Неустроева, Арсен Стручков БКЭ ситиһиилээхтик туттаран оскуоланы кыһыл көмүс мэтээлинэн түмүктээтилэр. Алта выпускниктан биир оҕо үрдүк үөрэххэ, биэс оҕо орто анал үөрэххэ киирэн үөрэнэ сылдьаллар.
Быйылгы үөрэх дьылыгар 86 оҕо үөрэнэр, 11 кылаас-комплект, 35 педүлэһит, 25 техүлэһит үлэлииллэр. Оскуола сүрүн ситиһиитэ ‒ нуучча тылын уонна литературатын учуутала Ангелина Николаевна Говорова Ил Дархан бириэмийэтин «Бастыҥ настаабынньык» анал аат кыайыылааҕа, биология уонна химия учуутала Яна Ильинична Габышева «Үөрэхтээһин» национальнай бырайыак иһинэн РФ Үөрэх министиэристибэтин өйөбүлүнэн ыытыллыбыт, «Флагманы образования» эрэгийиэннээҕи күрэс полуфиналыгар кыттан муҥутуур кыайыылааҕынан тахсан Бүтүн Арассыыйатааҕы түһүмэх финалиһа буолла.
Быйылгы үөрэх сылыгар Бүтүн Арассыыйатааҕы үөрэнээччилэр улуустааҕы түһүмэҕин олимпиадаларыгар уопсайа 15 биридимиэккэ 52 оҕо кыттыыны ылла, онтон 10 оҕо бириистээх миэстэҕэ тигистэ: Стручкова Надя математикаҕа 1 миэстэ, Куприянов Женя географияҕа 1 миэстэ, Иванов Данил географияҕа 2 миэстэ, Куприянов Женя история олимпиадатыгар 3 миэстэ, труд (технология) биридимиэтигэр Неустроев Коля 2миэстэ, Васильев Андрей 3миэстэ, Макарова Милана 3 миэстэ, биологияҕа Иванова Маргарита 3 миэстэ, экологияҕа Габышев Эрсан 2 миэстэ, олимпиадаҕа Винокуров Сайдам саха литературатыгар миэстэлэспитэ. «Инникигэ хардыы» научнай-практическай кэмпириэнсийэҕэ улууска биэс оҕо ситиһиилээхтик кытынна: Мохначевская Сардаана, Винокуров Сайдам, Кычкин Дуолан, Габышев Эрсан, Ноговицына Саина. «Профессионалы» чөмпүйэнээккэ Прохорова Сайаана 2 миэстэ, Стручкова Сайнаара 1 миэстэни ыллылар.
Стручкова Сайнаара, 7-с кылаас үөрэнээччитэ «Лучший двор» Бүтүн Арассыыйатааҕы куонкуруска Москва куоракка ситиһиилээхтик кыттан 3 степеннээх дипломант үрдүк аатын ылла.
«Ыллыкчаан», «Сэргэхчэй» ансаамбыл оҕолоро «Үрдэл» бэстибээлгэ ситиһиилээхтик кыттан лауреат, дипломант буолары ситистилэр.
«Самый читающий класс» күрэскэ 6-с кылаас оҕолоро 3 миэстэ, 8-с кылаас оҕолоро 1 миэстэ буоллулар.
Мас тардыһыытыгар Трифонов Кеша 1 миэстэ, Мохначевскай Сергей 2 миэстэ, Игнатьева Настя 2 миэстэ, Харитонова Сайнаара 3 миэстэ буоллулар. Уруһуйга өрөспүүбүлүкэтээҕи куонкуруска Попова Маша 2 миэстэҕэ тигистэ.
Ити курдук, педкэлэктиип, оҕолор араас таһымнаах куонкурустарга, күрэстэргэ, ааҕыыларга ситиһиилэннилэр.
Быйыл оскуола 80 сыллаах үбүлүөйүн көрсө араас тэрээһиннэр ыытылыннылар. «Социализм суола» холкуос бэрэссэдээтэлэ Никон Михайлович Харитонов сырдык аатын үйэтитэр сыаллаах дэкээдэҕэ бары кылаастарга кылаас чаастара, мэҥэ тааска сүгүрүйүү тэрээһинэ ыытыллыбыттара. Оскуола устуоруйатын 1944‒2024 сылларга диэри үлэни-хамнаһы оскуола учууталлара Балыктаах телестудияҕа киэҥ хабааннаахтык сырдатаннар дьон махталын ыллылар. Выпускниктар таҥан оҥорбут видеосюжеттарын оскуола макетыгар аныгы кьюар кодунан киирэн көрүөххэ сөп. Ити курдук кэлэктиип инникитин даҕаны биир сүбэнэн, биир санаанан салгыы үлэлииргэ бигэ эрэллээхтэр.
Мария Захарова. Балыктаах.
