Олунньу 11 күнүгэр Мөҥүрүөн нэһилиэгэр Бырабыыталыстыба иккис отчуоттуур бөлөҕө олохтоохтору кытта көрүстэ.
Олохтоохтор «Юпитер» хочуолунайа ОДьКХ көрүүтүгэр хаһан көһөрүн, үүтү туттарыы, нэһилиэккэ гаас кэлиитин сурастылар. «Цифровой рубль», киһи олорбот дьиэлэригэр бөх төлөбүрэ тоҕо ааҕылларын, элбэх оҕолоох ыалга кыбартыыра бырагырааматын, социальнай хантараах, оҕо уһуйаанын уонна оскуола дьиэлэригэр хапытаалынай өрөмүөн хаһан ыытылларын ыйыттылар.
Даамба мөлтөх туруктааҕын, эбии МТС уонна Мегафон ситимин сайыннарыы, отпуобус сырыытын олохтооһун, нэһилиэк электроуота сип хаабылга уларыйыытын, бөһүөлэк иһинээҕи уонна федеральнай тыраассаҕа тахсар суоллар, бэтэринээр уо.д.а. наадаларын тоһоҕолоон бэлиэтээтилэр.
Иван Лукин.
