Балаҕан ыйын 8 күнүгэр өрөспүүбүлүкэбитигэр былаас араас таһымнаах бэрэстэбиитэллэрин талыыга быыбар бастакы күнэ түмүктэннэ.
Территориятааҕы быыбар хамыыһыйата иһитиннэрбитинэн, бу күн 19 ч. 43 мүн. улууспут 34 быыбардыыр учаастактарыгар быыбардааччы 25,34 бырыһыана, ол эбэтэр испииһэккэ киирбит 24143 киһиттэн 6119-һа куоластаабыт.
Биирдиилээн учаастактарынан ыллахха, бастакы күн быыбарга кыттыы бастыҥ көрдөрүүлээхтэргэ киирдилэр:
Дойду 42, Хаатылыма 39,02, Тарат 33,94, Чүүйэ 28,35, Баатара 27,30, Чыамайыкы 26,82, Наахара 26,72, Матта 26,32, Тиэлиги 26,12 бырыһыан.
Бу күн дьиэлэригэр олорон куоластыырга эрдэттэн сайаапкалаан, 422 киһи куоластаан быыбардыыр быраабын туһанна.
