Олунньу 15 күнүгэр Мэлдьэхси нэһилиэгэр Бырабыыталыстыба отчуотун Саха Өрөспүүбүлүкэтин гражданскай оборонаҕа, нэһилиэнньэ олоҕор-дьаһаҕар куттал суох буолуутун хааччыйыыга миниистирин солбуйааччы Никита Павлов салайааччылаах үһүс бөлөх туруорда.
Отчуоттуур мунньахха улуус баһылыгын бастакы солбуйааччы Василий Михайлов уонна управлениелар салайааччылара кыттыыны ыллылар.
Мэлдьэхси нэһилиэгэр көрсүһүүнү баһылык Валерий Никифоров салайан ыытта.
И.Д.Колосов аатынан «Эрэл» успуорт саалатыгар буолбут отчуоту 56 олохтоох иһиттэ.
Олохтоохтор сылгы итиитин сокуонун, сэлээркэ сыаната үрдүүрүн хонтуруоллааһын туһунан, бэтэринээрийэ үлэһиттэригэр чэпчэтии тоҕо көрүллүбэтин ыйыталастылар.
Мэлдьэхсилэр өр сылларга туруорсан кэлбит кыһалҕаларын бүгүн эмиэ этиннилэр: нэһилиэктэр икки ардыларынааҕы суоллары оҥоруу, оскуола уонна култуура дьиэтин эбийиэктэрин төрдүттэн өрөмүөннээһин, тыа сиригэр ыччаты олохсутар инниттэн тустаах үлэ, анал бырагыраама, оскуолаҕа сылааһы күһүн хойутуу холбуулларын, саас эрдэ арааралларын хонтуруоллааһын наада диэтилэр.
Иван ЛУКИН.
