Кулун тутар 24 күнэ – Аан дойдуга сэллиги утары охсуһар күн. Ол чэрчитинэн А.В.Чугунов аатынан Мэлдьэхси орто оскуолатыгар улуустааҕы киин балыыһа Ф.П.Пивоварова аатынан сэллиги эмтиир диспансерын үлэһиттэрэ “Үрүҥ ромашка” ыарыыны сэрэтэр тэрээһини ыыттылар.
Диспансер үлэһиттэрэ оҕолорго сэллик ыарыы туһунан, хайдах сыстарын кэпсээтилэр, ыарыыттан харыстанарга үөрэттилэр.
“Үрүҥ ромашка” аахсыйа чэрчитинэн алын кылаас оҕолоругар биирдиилээн уруһуй, 5-10 кылаастар икки ардыларыгар кылааһынан ыҥырыы плакат уруһуйдааһыҥҥа күрэхтэр ыытыллыннылар. Ону таһынан 8-11 кылаас оҕолоругар “Үрүҥ ромашка” викторина ыытыллынна.
Алын кылаас оҕолоругар уруһуй куонкуруһугар 1-кы миэстэни 4-с кылаас үөрэнээччитэ Эвелина Михайлова, 2-с миэстэни 1-кы кылаас үөрэнээччитэ Вилена Михайлова, 3-с миэстэни кы кылаас үөрэнээччитэ Инесса Сыромятникова ыллылар.
5-10 кылаас үөрэнээччилэригэр хаһыат күрэҕэр 7-с кылаас кэлэктиибэ (салайааччы Т.А.Игнатьева) бастаата, 2-с миэстэ 10-с кылаас (салайааччы О.С.Иванова), 3-с миэстэ 9-с кылаас (салайааччы Л.К.Баишева) кэлэктииптэрэ буоллулар.
Викторина түмүгүнэн 1-кы миэстэҕэ 11-с кылаас (салайааччы С.К.Плотникова), 2-с миэстэҕэ 10-с кылаас (салайааччы О.С.Иванова), 3-с миэстэҕэ 9-с кылаас (салайааччы Л.К.Баишева) кэлэктииптэрэ таҕыстылар.
Викторинаҕа бастакы миэстэни ылбыт 11-с кылаас кэлэктиибигэр проектор бэлэх туттарылынна.
Оҕолор сэллик курдук ыарахан ыарыы туһунан элбэҕи билэн, саҥаҕа үөрэнэн тарҕастылар.
Арылхан Сокольников,
7 кылаас үөрэнээччитэ,
“Үктэл” эдкорпост.
