Биһиги кылаас кыргыттара волейболга олус сөбүлээн дьарыктанабыт. Салайааччыбыт Елена Афанасьевна араас албаска, ньымаҕа үөрэтэр. Былырыын өрөспүүбүлүкэ сүүмэрдэммит хамаандатыгар талыллан, Благовещенскай куоракка Николина, Нарыяна кыттыыны ылбыппыт. Улуус, өрөспүүбүлүкэ таһымнаах күрэхтэһиилэргэ миэстэлэһэбит.
Быйылгы үөрэх дьылыгар күрэхтэһии сезонун ситиһиилээхтик саҕалаатыбыт. Алтынньы 22 күнүгэр Аллараа Бэстээх «Парус» успуорт комплексыгар ыытыллыбыт, 2010‒2011 с.т. үөрэнээччилэргэ улуустааҕы волейбол аhаҕас курэхтэһиитигэр биһиги уонна сэттис кылаас кыргыттара кытынныбыт. Кыргыттарга 5 хамаанда, уолаттарга 2 хамаанда күрэхтэстэ. Түмүккэ кыргыттар хамаандалара үһүс Бочуоттаах миэстэни ыламмыт үөрүүбүт үксээтэ.
Николина уонна 10 гуманитарнай кылаас үөрэнээччитэ Аина Капитонова улуус хамаандатыгар талыллан, алтынньы 26 күнүгэр Амма улууhугар курэхтэhэ барар чиэскэ тигистилэр. Ону тэҥэ биэс кыыс каникул кэмигэр Хара спортивнай оскуолатыгар сүүмэрдиир түмсүүгэ ыҥырылынна.
Быйылгы үөрэх дьылыгар ессе күүскэ, дьаныардаахтык дьарыктанан ситиһиилэниэхпит диэн эрэнэбит. Бары үөрэнээччилэри успуорду кытта доҕордоһуҥ, дьарыктаныҥ диэн ынырабыт. Успуордунан дьарыктанар киһи чөл туруктаах, кыахтаах, дьиссипилиинэлээх буолар.
Оллонова Нарыяна, Сивцева Николина, Черкашина Уйгулаана,
В.Н.Оконешников аатынан Павловскай орто оскуолатын медиа-киинэ
