«Инникигэ хардыы» ‒ оҕо сайдарыгар, дьон иннигэр саҥара-иҥэрэ, бэйэтин санаатын этэ үөрэнэригэр улахан көмөлөөх уонна туһалаах тэрээһин буолар.
Ахсынньы 5 күнүгэр Майатааҕы лиссиэйгэ улуустааҕы «Инникигэ хардыы» эдэр чинчийээччилэр кэмпириэнсийэлэрэ буолан ааста. Мин бу кэмпириэнсийэҕэ иккис төгүлбүн кыттабын. Буоларын курдук, оҕо бөҕө мустубут. Араас, интэриэһинэй тиэмэлэрдээх үлэлэри көмүскээтилэр. Мин ордук Аҕа дойду Улуу сэриитин кэминээҕи сөмөлүөттэр макеттарын оҥорбуттарын сэргээтим.
Биһиги Матта оскуолатыттан Каролина Аталларова бастакы, Ярослав Григорьев үһүс уонна Толя Трифонов үһүс истиэпэннээх дипломаннар буоллулар. Саҥа дьыллааҕы мөһөөччүк уонна буор атыылааммыт 3190 солкуобайы киллэрдибит. Хаһыс да сылын кыттар 10-с кылаас үөрэнээччилэрэ Владалаах Даяна: «Биһиги кыһын устата тюльпан үүннэрэн таһынааҕы бөһүөлэкэтргэ атыылаан харчы киллэрээччибит. Бу үлэбитинэн хаһыс да сылбытын кыттабыт. Эһиил оскуола выпускниктара буоларбыт быһыытынан, үлэбитин салгыы сайыннаралларын туһугар атын оҕолорго биэриэ этибит», ‒ диэн санааларын үллэстэллэр.
Биһиги оскуолабыт үөрэнээччилэрин ситиһиилэрэ манан эрэ бүппэт. Бэҕэһээ «Молодые профессионалы‒2024» күрэскэ 11 кылаас кыргыттара «Визаж и стилистика» компетенцияҕа үһүс миэстэ буоллулар. Кыргыттар бастакы кыттааһыннарыгар ситиһиилээхтик кытыннылар.
Үлэ түмүктээх буолара ордук. Сыраҥ-сылбаҥ сыаналанара саныырга да астык. Онтон мин бииргэ үөрэнэр доҕотторбун ыытыллар хас биирдии тэрээһиҥҥэ кыттан иһиэҕиҥ, үлэлээбит үлэбит сыаналанан истин диэн баҕа санаабынан түмүктүүбүн.
Бэргэн Александров, Матта орто оскуолатын 5-с кылааһын үөрэнээччитэ.
Мария Макарова, саха тылын уонна литературатын учуутала.
