Устар ууну сомоҕолуур уус-уран тыллаах өбүгэлэрбит барахсаттар хаалларбыт барҕа баайдара, омук быһыытынан уратыбыт, мындырбыт туоһулуура – төрөөбүт төрүт сахабыт тыла буолар. Аныгы сайдыылаах кэмҥэ оҕолорбут, ыччаттарбыт сахалыы тылларынан санааларын сайа этэллэрэ, толкуйдарын тириэрдэллэрэ олус хайҕаллаах.
Кулун тутар 14 күнүгэр “Олоҥхо дьиэтэ” Г.Г.Колесов аатынан норуот айымньытын оройуоннааҕы киинигэр Саха национальнай дьоруойа Манчаары Баһылай төрөөбүтэ 220, Мэҥэ Хаҥалас улууһа төрүттэмитэ 95 сылларыгар анаан “Манчаары аман өһө” уол оҕо улуустааҕы күрэҕэ ыытылынна. Бүгүҥҥү күрэх күнэ уол оҕоҕо аналлаах алгыс сиэринэн-туомунан саҕаланна. Дьабыыл нэһилиэгиттэн эдэр ытык алгысчыт Денис Оконешников уол оҕо кэскиллээх олоҕун түстүүр алгыһын түһэрдэ. Олоҥхо дьиэтин салайааччыта Евдокия Иванова бука бары кыттааччылары эҕэрдэлээн туран ситиһиилээхтик кытталларыгар баҕа санаатын тириэртэ.
“Манчаары аман өһө” күрэххэ Аллараа Бэстээх, Майа, Табаҕа, Төхтүр, Бэдьимэ, Хаптаҕай оскуолаларыттан, “Кэрэли” оҕону эбии сайыннарар киинтэн барыта 28 уол кыттыыны ыллылар. Дьүүллүүр сүбэҕэ култуураҕа уонна духуобунай сайдыыга управлениеттан Галия Сосина, Р.И.Брызгалов аатынан Аллараа Бэстээхтээҕи тырааныспар техникумун салайааччытын иитэр үлэҕэ солбуйааччы Дьулустаан Аргунов, Ытык алгысчыт, СӨ Дархан оһуохайдьыта, олоҥхоһут Денис Оконешников үлэлээтилэр.
Күрэх хайысхаларынан түмүгү билиһиннэрэбит. Сахалыы уус-уран тылынан Манчаары Баһылай төрөөбүтэ 220, Мэҥэ Хаҥалас улууһа төрүттэмитэ 95 сылларыгар анаан санааны сайа этиигэ “Манчаары Баһылай төрүттэрин туһунан” аман өһү амалыйан кыттан кыайыылааҕынан Бэдьимэ орто оскуолатыттан Арсен Плотников (салайааччы Анна Емельянова) таҕыста.
Чинчийэр үлэ суруйан көмүскээһиҥҥэ 1-кы үрдэли Михаил Тарабукин (И.Г.Тимофеев аатынан Майатааҕы лиссиэй, сал.Екатерина Вензель), 2-с үрдэли Николай Яковлев (Төхтүр орто оскуолата, сал. Екатерина Вензель), 3-с үрдэли Айаал Колосов (В.П.Ларионов аатынан Майа орто оскуолата, сал.Светлана Бугаева), 3-с үрдэли Сергей Мохначевскай (В.П.Ларионов аатынан Майа орто оскуолата, сал.Светлана Бугаева) ыллылар.
Хоһоону уус-уран ааҕыыга, биирдиилээн толорууга 1-кы үрдэли Николай Яковлев (Төхтүр орто оскуолата, сал.Екатерина Вензель), 2-с үрдэли Айдын Жирков (Майатааҕы “Кэрэли” оҕону эбии үөрэхтээһин киинэ, сал.Анастасия Слепцова), 3-с үрдэли Айаал Колосов (В.П.Ларионов аатынан Майа орто оскуолата, сал.Светлана Бугаева), Мирослав Порядин (Табаҕа орто оскуолата, сал.Маргарита Белолюбская) ыллылар. Биһирэбил ааттарынан Сергей Мохначевскай (В.П.Ларионов аатынан Майа орто оскуолата, сал.Светлана Бугаева), Юриан Исаков (Табаҕа орто оскуолата, сал.Маргарита Белолюбская), Слава Олесов, Ярослав Дмитриев (Майатааҕы “Кэрэли” оҕону эбии үөрэхтээһин киинэ, сал.Анастасия Слепцова), Сергей Афанасьев (Кеша Алексеев аатынан Хаптаҕай орто оскуолата, сал.Анастасия Колосова), Ярослав Эверстов (Аллараа Бэстээх 2 нүөмэрдээх орто оскуолата, сал.Анна Гоголева) бэлиэтэннилэр.
Хоһоону бөлөҕүнэн уус-уран ааҕыыга 1-кы үрдэли “Айарсан” бөлөх (Аллараа Бэстээх 1 нүөмэрдээх орто оскуолата, сал.Мария Владимирова), 2-с үрдэли “Дьүһүйүү” (Табаҕа орто оскуолата, сал.Маргарита Белолюбская), 3-с үрдэли “Бэстээх кэскилэ” бөлөх (Аллараа Бэстээх 2 нүөмэрдээх орто оскуолата, сал.Анна Гоголева) ыллылар.
“Манчаары аман өһө” күрэхпит кыттааччыларын кытары атах тэпсэн олорон биир дойдулаахпыт, Саха национальнай дьоруойа Манчаары Баһылай туһунан кэпсэтиһии, санаа атастаһыы буолла. Уолаттар саныыр санааларын, толкуйдарын этиннилэр. Эһиилги сылга күрэхпит далааһынын кэҥэтэн, Илин эҥээр улуустары хабан тэрийэн ыытарга сүбэлэстибит.
Бука бары кытта кэлбит уолаттарбытын, салайааччылары үрдүк ситиһиигитинэн эҕэрдэлиибит, истиҥник махтанабыт!
Айта Васильева,
Г.Г.Колесов аатынан Олоҥхо дьиэтин уус-уран салайааччыта.
