От ыйын 10 күнүттэн саҕалаан 20 күнүгэр диэри Майа сэлиэнньэтигэр «MayaCraft» сынньанар, айар дьоҕуру сайыннарар киин иһинэн оҕо лааҕыра үлэлиир.
Лааҕырга оҕо дьарыктанарыгар элбэх хайыска баар: английскай тылы үөрэтии, компьютер оонньуутун оҥоруу, маны сэргэ видеомонтаж уонна мультик оҥорорго, уруһуйдуурга, туойунан-керамопластынан уонна да атын матырыйаалларынан бэйэ оҥоһуктарын оҥорорго үөрэнэллэр.
Оҕолору маны таһынан араас бырайыактары оҥорорго, бэйэлэрин санааларын сатаан этэргэ уонна көмүскүүргэ дьарыктыыллар. Икки бөлөххө арахсан: 9-тан 11-гэр диэри уонна 12-тэн 14-гэр диэри саастаах оҕолор сылдьаллар.
Английскай тылга В.П.Ларионов аатынан Майа орто оскуолатын английскай тылын учуутала Анна Александровна Петухова үөрэтэр. Айар үлэ дьарыгын М.К.Попова аатынан Майатааҕы оҕо ускуустубаытн оскуолатын уруһуй кылааһын учуутала Петр Александрович Петухов уонна ыҥырыылаах маастардар ыыталлар.
«Инникитин лааҕырбытын кэҥэтэн бюджеттэн эбэтэр спонсордар көмөлөрүнэн үптэнэн оҕолор толору күн, астаах-үөллээх сылдьалларын хааччыйан салҕыы үлэлиэхпитин баҕарабыт. Эбии учууталлары, маастар кылаас ыытааччылары, успуорт өттүгэр о5олору дьарыктыыр исписэлиистэри элбэтэн иһэр баҕа санаалаахпыт. Үлэлиэн-хамныан, оҕолору сайыннарыан, бэйэтэ сайдыан, саҥа сүүрээни киллэриэн баҕалаах дьону бииргэ үлэлииргэ ыҥырабыт», – диэн бэйэлэрин санааларын үллэстэллэр Петуховтар.