Өрөспүүбүлүкэ олохтоохторо кэнники сылларга нэһилиэктэр, улуустар сайдыыларыгар туһуланар саҥа бырайыактарга, бырагыраамаларга көхтөөхтүк кыттар буоллулар.
Биир оннук барылынан — олохтоох көҕүлээһини өйүүр бырагырааманан — Саха сиригэр кэскиллээх үлэ ыытыллар.
Майа сэлиэнньэтигэр эмиэ олохтоохтор, нэһилиэк, улуус уонна өрөспүүбүлүкэ кыттыгас үбүлээһиннэринэн элбэх тупсаран оҥоруу үлэлэрэ бардылар. Аны сабыс-саҥа погрузчик тыраахтар ылан аҕаллылар.
Баһылык Алексей Неустроев погрузчигы олохтоохтор этэҥҥэ үчүгэйдик үлэлэтэн, сэлиэнньэ сайдыытыгар, дьон-сэргэ олоҕун хаачыстыбата тупсуутугар туһалыа диэн эрэнэрин этэр.