Балаҕан ыйын 15 күнүгэр Майа сэлиэнньэтигэр Саха Өрөспүүбүлүкэтигэр успуорт хамсааһынын 100 сылыгар, «Мин успуорду талабын» дэкээдэ чэрчитинэн, Арассыыйа үрдүнэн сүүрүү уонна хаамыы күнүгэр тэриллибит «Майаттан ‒ Москуба куоракка» марафон түмүктэннэ.
Ый устата, күннэтэ чөл олоҕу өрө тутар Майа сэлиэнньэтин олохтоохторо, биирдиилээн дьон уонна тэрилтэлэр тахсан, кыттыһан ким сүүрэн, ким хааман бэйэлэрин кылааттарын киллэрсэннэр 6200 килэмиэтири барбыттара.
Москуба куоракка тиийэргэ 2134 килэмиэтири барарга оҕо уһуйаанын иитиллээччилэриитэн саҕалаан кырдьаҕас саастаах дьоҥҥо дылы Комсомольскай болуоссакка уопсайа 1240 киһи кэлбитэ.
Марафон кыттааччыларын ааҕарга Майинская, Советскай, Алданскай, Сыроватскай аат. уулуссалар анаммыттара. Кэлбит дьон барыларын дьулуурдарынан «Майаттан ‒ Москуба куоракка» марафон 8334 килэмиэтирин толору түмүктээтилэр.
Иван Лукин.
