Майа киинигэр турар Комсомольскай болуоссакка бүгүн Бүтүн Арассыыйатааҕы “Кыһын Саха сириттэн саҕаланар” бэстибээл буолла. Манна оҕо-уруу төрөппүттэриниин кэлэн үөрдэ-көттө. Кинилэр Тымныы Оҕонньору, Хаарчаананы, Саҥа Дьыл дьоруойун Күөх Моҕойу ыҥыран араас уотунан дьиримниир харыйа уотун уматтылар.
Баһылык Алексей Неустроев бэстибээл кыттыылаахтарын кэлэн иһэр саргылаах Саҥа Дьылынан эҕэрдэлээтэ, үүнэр сылы ситиһиилээх көрсөргө ыҥырда. Кырачааннар остуоруйа кыылларын кытта хоробуоттаатылар. Тымныы Оҕонньору, Хаарчаананы, остуоруйа дьоруойдарын кытта хаартыскаҕа түстүлэр.
Марелла Баишева.
