Тохсунньу 24‒26 күннэригэр Хорообут орто оскуолатын үөрэнээччилэрэ Снежана Маркова (10 кылаас) уонна Саина Сивцева (8 кылаас) гиирэни анньыыга өрөспүүбүлүкэтээҕи күрэхтэһиигэ кыттан ситиһиилэннилэр. Күрэхтэһии «Спортивные якутяне» ыспартакыйаада чэрчитинэн ыытыллар.
Кыргыттар тириэньэрдэрэ ‒ Василий Прибылых. Снежана 16 кг гиирэнэн 48 төгүл өрө анньан чөмпүйүөннээтэ, оттон Саина 15-тэ анньан алтыс миэстэ буолан үөрэн-көтөн кэллилэр. Хорообуттар күүстээх кыргыттардаахпытын бүтүн өрөспүүбүлүкэ биллэ диэн киэн туттабыт.
Октябрина Васильева. Хорообут
